Negosyante, kasosyo arestado sa pagbebenta ng vape products

ARESTADO ang isang negosyante at kasosyo nitong babae sa vape raid na isinagawa ng mga awtoridad sa Sitio Cabio Bakal, Bgy. Balucuc, Apalit, Pampanga.

Sa ulat kay Criminal Investigation and Detection Group 3 regional chief Col. Richard Bad-Ang, CIDG Bulacan Provincial Field Unit, sa pakikipag-ugnayan sa CIDG PFU Pampanga at Pampanga police, ay nagpatupad ng “Oplan Megashopper” raid.

Sa naturang operasyon ay naaresto sina alyas “Tams,” 33, isang negosyante; at alyas “Lalaine,” kapwa residente ng Bgy. Balucuc, Apalit, Pampanga.

Ayon kay Bad-Ang, nasamsam sa raid ang 57 kahon, bawat isa ay naglalaman vape products tulad ng  Black Elite; EB Desire; “Vapore Elite V2”; PSG”; Cigbay”; flava oxbar battery, cigbay catridge, raid battery, sirius, vape juicechillax, jazz, relx, ex-so gamma, EB Desire Pods; at mga resibo ng waybill.

Dagdag pa ni Bad-Ang na ang tinatayang kabuuang halaga ng mga nakumpiskang ebidensya sa isinagawang raid ay hindi bababa sa P250,000.

Dinala ang mga suspek sa CIDG Bulacan PFU at sasampahan ng kasong paglabag sa Republic Act 11900 o ang Vaporized Nicotine and Non-Nicotine Products Regulation Act of 2022. (MICKA BAUTISTA)