BILANG paggunita sa Day of the Filipino Seafarer, magbibigay ng libreng sakay para sa mga marino ang Light Rail Transit-Line 2 (LRT-2) at Metro Rail Transit -Line 3 (MRT-3) sa Miyerkoles, 25 Hunyo.
Mula 7:00 ng umaga hanggang 9:00 ng umaga at 5:00 hanggang 7:00 ng gabi ang libreng sakay sa LRT-2 habang mula 5:30 ng umaga hanggang matapos ang operasyon sa gabi ay libre ang ibibigay na sakay sa lahat ng seafarers ng MRT.
Ipakita lamang ang valid Seafarer’s Record Book (SRB), Seafarer’s Identity Document (SID) o kaya’y Seafarer’s Identification Booklet (SIB) para makapag-avail ng libreng sakay.
Ito ay sa pakikipagtulungan ng Maritime Industry Authority (MARINA) sa Department of Transportation (DOTr) Railway Sector na magkaroon ng isang araw na libreng sakay para sa mga seafarers. (VICK AQUINO)
