HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ILANG taon din pala bago natuloy ang dream ni Maja Salvador na magkaroon ng sarili niyang line ng body care.
Finally, nagkatotoo na ito at ginanap ang launching ng Majeskin last May 23 sa Incanta Cave Bar and Restaurant. Kabilang sa mga produktong inilungsad ang Majeskin Body Lotion, Body Scrub, at Body Wash.
Masayang sambit ni Maja, “Dream na naging totoo ito because sa help nga ng aking husband and of course ni Mam Rei.”
Pagpapatuloy niya, “Four to five years in the making iyan, matagal na iyan. Iyong kahit na mayroon kang pang-invest, pero iyong takot ka if tama ba iyong gagawin mo? Ganoon ako e, kaya hindi natutuloy lahat ng mga ideas ko.”
Bago raw mag-pandemic pa, may friend si Maja na nag-suggest na magtayo siya ng sariling brand.
Kuwento ng aktres, “Alam n’yo naman iyong addiction ko sa body scrubs, like nagho-hoard talaga ako ng mga body scrubs. So, lalo na nang naging kami (ni Rambo), ang daming klase ng body scrubs, iba-iba. Kasi, parang gusto kong ma-try lahat. Tapos iyon nga, dream ko na magkaroon ng sarili kong line ng body care.
“So iyon, with the help of Rambo, Abbey, and manang Rhea, ito na si Majeksin.”
Ang tinutukoy niyang Rambo ay ang kanyang husband, samantalang si Manang Rhea ay ang kanilang ninang sa kasal na si Beautederm founder and CEO Rhea Anicoche Tan.
Ang Majeskin ay exclusively distributed ng Reigning Majasty Corporation. Partners dito sina Maja, Rambo, at Ms. Rhea. Ang Majeskin ay sister company ng Beautederm, na pinamamahalaan ni Ms. Rhea kaya mabibili rin ang mga produkto nito sa Beautederm stores nationwide at sa abroad.
Esplika ni Rambo, “Parang ano kasi uso ang collaboration, kahit sa Hollywood, hindi ba? And for us, having si Manang Rhea who is very close to us, we value iyong experience niya. I mean, parang ang gandang combination na she’s successful sa business niya doing iyong mga ganitong klaseng products. At the same time, even personally ay mayroon kaming trust sa kanya as our ninang.
“So, parang for us, we have the perfect recipe na maging reality iyong ini-envision lang namin. Because iyon nga, hindi naman ito overnight… again like five years… Parang from conceptualizing, iyong name, kung ano talagang product, several testing to ensure na maganda talaga iyong produkto…
“So, we all went through that and iyon… so that’s siguro iyong buong five years na preparation to make this a reality.”
Sa kanyang part, ito naman ang ipinahayag ni Ms. Rhea, “Ang tagal na itong hinihintay, it took us 4-5 years, bago pa siya ikasal. Pero sabi ko nga, para kay Maja talaga itong araw na ito.
“So, kami ay hindi lang mag-ninang, siya ay aking ading (younger sister or brother sa Ilocano), kaya iyong trust ko sa kanya, hindi ako nagdalawang-isip. Ngayon ay isa na siyang nanay, isa na rin siyang mompreneur. This is a whole new world for my baby… I’m so proud of my baby girl.”
Wika naman dito ni Maja, “Ibang level ng partnership ito talaga, bukod sa ninang namin siya, beyond pa roon ang relationship namin. Kaya we are really thankful and grateful to this relationship, to this partnership. And itong bagong journey natin ay mas meaningful at mas beautiful because were doing it with you.”
Saad ni Ms. Rhea, “Majeskin is a complete body care that really cares for every skin type, color, and texture. Majeskin is ready to set the standard for your newest skin ritual.
“Maja and I has always desired to work together. When queens come together, they create something majestic. And if you ask me, Maja, exemplifies everything a queen should be – authentic, determined, passionate, and creative. And as beauty entrepreneurs, we should not only serve as face cards, but also provide the glow that goes beyond the surface. I know you will support our new brand in the same way that you have supported Beautederm for 16 years… Maraming salamat po,” pahayag pa ni Ms. Rhea.
Nagpasalamat din si Maja sa mga kaibigang sumuporta at kapatid niya sa Beautederm sa launching ng Majeskin. Kabilang dito sina Maine Mendoza, Ciara Sotto, Bulacan Vice Governor Alex Castro at misis na si Sunshine Garcia, Thia Thomalla, Darla, Thou Reyes, Gillian Vicencio at iba pa.
