Pia ayaw nang gamitin ang apelyidong Wurtzbach

MATABIL
ni John Fontanilla

MARAMING netizens ang nagulat at nagtaka na ‘di na ginagamit ni 2015 Miss Universe Pia Wurtzbach ang kanyang apelyido at Pia Jauncey na ang gamit nito?

Sa Instagram ni Pia, hindi na @piawurtzbach, ang makikita bagkus ay @piajauncey ang nakalagay.

Pero may paliwanag naman si Pia rito. 

“We’re the Jaunceys now,” sey ni Pia sa interview sa kanya ng Preview Magazine. 

“After a while, I started feeling like ‘Pia Wurtzbach’ didn’t feel right anymore.

“One day when we have kids, I would want them to see that we share the same last name as their dad. It’s a bit of a traditional move for Jeremy, but it doesn’t really bother,” paliwanag pa ng beauty queen.

Minsan na ring nagpalit ng surname si Pia, una siyang nakilala bilang Pia Romero noong nasa  Star Magic pa siya.

At nang magsimula nang sumali sa pageant ay ginamit na ang kanyang apelyido na Wurtzbach hanggang sa manalo at maging Miss Universe 2015.

At ngayon nga na may asawa na ito ay ang surname na ng kanyang husband na si Jeremy Jaunce ang gusto niyang gamitin.