Billy puring-puri pagiging propesyonal, smart ni Nadine

RATED R
ni Rommel Gonzales

SI Billy Crawford muli ang host ng Season 3 ng Masked Singer Pilipinas na kasama niya ang all-star at powerhouse na bagong panel of celebrity judge-detectives na susubukang tukuyin at hulaan ang mga mukha sa likod ng maskara at boses: sina Nadine Lustre, Janno Gibbs, Arthur Nery, at Ms. Pops Fernandez.

“I’ve worked with Nads so many times and she has not changed once,” umpisang sinabi ni Billy sa pangungumusta katrabaho si Nadine.

“She’s always professional, iyan ‘yung makikita niyo kay Nadine eh, she’s always professional.

“She does her own makeup and you know, she’s always on time and talagang she’s… kung ‘yung tinatanong mo how do you prepare? She’s always prepared, iyon si Nadine.

“Kung kilala niyo si Nads kasi, tahimik na tao si Nads eh, she’s not so… ‘yung out there, na outspoken, she’s very tahimik, she’s very smart.

“Paminsan-minsan sobrang mahiyain ‘yun, ‘pag may sasabihin siya ‘yung walang nakakarinig, so kailangan mong, ‘Ano ‘yun, Nads?’

“Tapos ayaw na niyang ulitin, hindi na niya uulitin ‘yun kasi nahihiya na siya, ganoon siya eh. So that’s how I know Nadine.

“And when she works, ganoon talaga siya, pero there are certain memories din na kengkoy din kasi si Nads eh. Palaban din ‘yun especially sa hulaan, competitive rin ‘yung tao.”

Kumusta naman sina Janno, Pops, at Arthur katrabaho?

“I’ve said it numerous times, it’s a gem working with amazing, talented people on a regular taping day, so parang it’s not even work anymore.

“Kumbaga nag-e-enjoy lang ako kasama nila,” saad ni Billy.

Kung mayroon siyang gustong pasalihin sa Masked Singer, sino ‘yun?

“Siguro ako sa sobrang daming beses na na-mention ‘yung pangalan niya, gusto kong sumali sa ‘Masked Singer’ si Jed Madela, kasi si Jed ang isa sa pinakakilala kong singers na kayang-kayang mag-iba ng boses niya, sa mataas, sa mababa. So ‘yun ‘yung sa tingin ko mahihirapan kilatisin, si Jed Madela.”

Napapanood ang Season 3 ng Masked Singer Pilipinas, Sabado at Linggo, 7:45 p.m., sa TV5 at Sari Sari Channel.