Lani ibinahagi bakit siya tinawag na Asia’s Nightingale  

MA at PA
ni Rommel Placente

SA isang interview ni Lani Misalucha, ikinuwento niya kung paano nagsimula at bakit siya tinawag na Asia’s Nightingale ng music industry.

 Ayon kay Lani, ang pagbibigay sa kanya ng naturang titulo ay inspired ng ibinigay namang title noon kay Regine Velasquez, ang Asia’s Songbird.

Kwento ni Lani, “I was managed by Ronnie Henares. Maraming dumaan sa Primeline, ‘yung pangalan ng kanilang management. So that was the time na wala na si Regine sa Primeline.

“And then ‘yung mag-asawa, si Mr. Ronnie Henares at si Ate Ida (Ramos), they were like, ‘Oh my gosh, what are we gonna give her?’ Yun na nga parang title or a moniker.

“Sabi nila, bakit hindi bigyan natin siya ng another bird name? Kasi nga, na-establish nila si Regine as a Songbird. So they were also thinking of giving me the same name, na bird.

“Then one time, so they were praying about it. Si Ate Ida, I think, parang nasa kalye siya, tapos biglang may dumaan sa kanya na board na may nightingale. And then she called her husband, ‘Ronnie, this is what we’re gonna give her, the Nightingale.

“Actually, sabi ko nga, ‘Wow, it’s really a beautiful name. And of course, noong time na ‘yun, hindi ko naman alam na ano ‘yung nightingale. And then it was just later on that, ‘yun na nga, isa siyang, of course, isa siyang ibon that really sings beautifully,” aniya pa.