HATAW! D'yaryo ng Bayan hatawtabloid.com
SA PANAHONG marami pa rin Filipino ang hirap makakuha ng batayang serbisyo, tumitindig ang Juan Pinoy bilang pag-asa ng masa.
Itinatag noong 2016 bilang isang non-government organization (NGO), ang Juan Pinoy ay may layuning itaas ang antas ng pamumuhay ng mga Filipino sa pamamagitan ng mga programang nakatuon sa kalusugan, kabuhayan, at edukasyon.
Ngayon, sila ay kabilang sa mga opisyal na partylist na inaprobahan ng Commission on Elections, at handang magsilbi sa mas malawak na saklaw—lalo sa mga nasa laylayan ng lipunan.
Mula Maynila hanggang Cebu at iba’t ibang lalawigan sa Luzon, dama ang epekto ng kanilang mga proyekto. Namahagi sila ng libo-libong kagamitang medikal tulad ng wheelchair, nebulizer, blood pressure monitor, hearing aid, walker, at cane—lahat ito’y ibinibigay sa mga higit na nangangailangan.
Hindi lang kagamitan ang hatid nila. Nagbibigay rin sila ng libreng maintenance na gamot at bitamina, at nakapagsanay na ng libo-libong Filipino sa iba’t ibang programang pangkabuhayan.
Tuwing may sakuna, naroon agad ang Juan Pinoy—nagbibigay ng mainit na pagkain at agarang tulong sa mga apektadong pamilya.
Sa paglahok nila sa partylist system, layunin nilang maging boses sa Kongreso para sa mga karaniwang Filipino — lalo sa mga komunidad na madalas ay hindi napapansin.
Ang serbisyong iniaalay ng Juan Pinoy ay tahimik ngunit epektibo, tapat at direkta sa mga nangangailangan. Sa lumalawak nilang presensiya, pinapatunayan nilang hindi kailangang maingay para maramdaman—ang kailangan lang ay taos-pusong malasakit.
Nais mo ba silang makilala o suportahan ang kanilang adhikain? I-follow sila sa Facebook: Juan Pinoy Partylist at sa TikTok: @juanpinoy. Bisitahin ang kanilang tanggapan sa 314 C.M. Recto Avenue, Binondo, Maynila 1008.
Juan Pinoy Partylist — Para sa pag-angat ng Edukasyon, Kabuhayan at Kalusugan ng bawat Filipino.
