HATAW! D'yaryo ng Bayan hatawtabloid.com
RATED R
ni Rommel Gonzales
POPULAR na male singer na nagpasikat ng kantang Let Me Be The One, natanong si Atty. Jimmy Bondoc kung mayroon ba, sa kanyang pag-iikot bilang pangangampanya sa pagtakbo sa pagka-Senador, na nagsabi
na kantahan na lamang niya at huwag nang magsalita?
“Yes, we are asked to sing and what I do is I do both,” pag-amin ni Atty. Jimmy.
“I speak and I sing.
“We have to face it na politics is half entertainment but I make sure that I speak about pertinent issues.”
Samantala, hindi raw iyakin si Atty. Jimmy pero lumuluha siya habang isinusulat ang awit na alay niya para kay dating Pangulong Rodrigo Duterte na nakadetine ngayon sa The Hague sa The Netherlands dahil sa crimes against humanity cases bunsod ng kanyang anti-drug campaign na isinampa laban sa kanya ng International Criminal Court (ICC).
“Ako honest hindi naman ako iyakin sa politika pero iyon talagang tumutulo ‘yung luha ko mag-isa.
“Alam niyo ang una kong linya na naisip, iyong Martial Law era.
“Tama na sobra na.”
“So the first line of the song is, ‘Tama na, sobra na, kinuha niyo ang aming ama!’”
May pamagat itong Ibalik Niyo Si Tatay Digong, isinulat ni Atty. Jimmy ang kanta sa loob lamang ng isang araw na ngayon ay nagba-viral na.
Samantala, sina Atty. Jimmy, Atty. Raul Lambino, at Atty. Bobbet Torreon ang nagsumite ng petisyon na tinututulan ang implementasyon ng online voting para sa mga Overseas Filipino Workers (OFWs) sa May 12 elections.
