Sa Quezon City
Poste ng gingawang MRT-7 bumigay
BUMIGAY ang isa sa mga poste ng ginagawang MRT-7 sa bahagi ng West Avenue, sa lungsod Quezon, nitong Linggo, 14 Abril.
Nabatid na ang bumigay na poste ay ang nakaangat na turn-back guideway o ang riles kung saan puwedeng makapag-U-turn ang mga tren.
Walang naiulat na nasaktan at walang kotseng napinsala sa insidenteng naganap dakong 3:30 ng hapon kamakalawa.
Samantala, ilang electrical wire ang napinsala dahil sa pagbagsak ng poste.
Sa kasalukuyan, hindi pa naglalabas ng pahayag ang contractor kaugnay sa insidente.
