Plataporma ang ilatag at ‘di pambabatikos

PUSH NA’YAN
ni Ambet Nabus

WALANG ipinagkaiba ang abogado na taga-Pasig kay Jay Ilagan ng Batangas na nanlait din kay Vilma Santos at may lakas ng loob na tawaging “laos” ang Star for all Seasons.

Mukhang may mga kandidato talagang hindi nagre-research man lang at nag-aaral sa kung paano silang tatayo sa entablado at maglalatag ng kanilang mga plataporma ng disente at paiiralin ang pagiging magiting na lalaki.

Maging abogado o engineer o anumang titulo mayroon ang isang lalaking kandidato, higit nilang kailangang magpakita ng matinong pagka-lalaki ng walang sinasagasaang babae o sektor na tinitingnan ng mababa.

Kaya tayong mga botante, magpapauto o magpapaloko ba sa mga gutom sa publisidad at eskandalo para lang makakuha ng atensyon?

Sila pa talaga ang may tapang at lakas ng loob na dumakdak sa kampanya eh wala pa namang napatutunayan sa public service, hay naku!!!