HATAW! D'yaryo ng Bayan hatawtabloid.com
NAPAKA-SUWERTE naman nitong international model at dating PBB Season 10 Housemate, si Laziz Rustamov dahil nakatrabaho at nakapareha niya agad ang beterana at award winning actress na si Amy Austria. Ito ay sa Tadhana na tatlong linggo siyang mapapanood.
Ang Fake Love ng Tadhana ay ukol sa isang AFAM na nagpapaibig ng mga malulungkot na middle-aged women at pagkatapos ay pineperahan.
Bagamat may pagka-naughty at bad boy ang role ni Laziz sa Tadhana, ibang-iba naman siya in real life. Never siyang umasa kahit kanino dahil 12 years old pa lang siya ay natuto nang magtrabaho para sa pamilya sa Uzbekistan.
Sa kuwento ng kanyang manager na si Charlotte Dianco, maagang tumayo sa sariling mga paa ang aktor/modelo. Pinagsabay nito ang pagtatrabaho, pagiging atleta, at pag-aaral dahil ito lang ang lalaki sa pamilya.
Tulad ng karakter na ginagampanan ni Laziz sa Tadhana bilang si Stefen, magaling din magluto si Laziz dahil ang buong angkan nito ay magagaling na chef at magluto
In fact, isa sa mga pangarap niya ay makapagbukas ng isang restoran. Pero sa ngayon, sa acting muna siya naka-concentrate.
Mapapanood ang Tadhana tuwing Sabado, 3:15 p.m. sa GMA7. (MVN)
