HATAW! D'yaryo ng Bayan hatawtabloid.com
RATED R
ni Rommel Gonzales
BALIK-SHOWBIZ si Arci Muñoz sa pelikulang Sinagtala na kasama niya sina Rhian Ramos, Rayver Cruz, Matt Lozano, at Glaiza de Castro. Sa direksiyon ni Mike Sandejas, mula sa Sinagtala Productions.
Aminado si Arci na hirap siya sa karakter niya sa pelikula dahil mabigat ito bukod pa sa malayong-malayo raw ito sa pagkatao niya sa tunay na buhay.
Samantala, kumakayod mabuti si Arci ngayon dahil nag-iipon siya ng pambili ng ticket sa nalalapit na concert ng K-pop boy group na BTS.
Lumitaw ang pagiging avid fan ni Arci o “Army” na siyang tawag sa mga tagahanga ng BTS.
Paborito niya ang Yet to Come (The Most Beautiful Moment) na kanta ng Korean boy band.
Pagbabahagi pa ni Arci, maraming beses na iniligtas siya ng BTS.
‘Kasi sila rin ang nagpapasaya sa akin.
“Maraming times talaga na sinave ako ng BTS.
“Tapos malapit na silang lumabas sa military training, so gastos,” at tumawa si Arci.
“Nagtatrabaho na po uli ako ngayon para may pambili ako ng ticket, may pambudol.
“Naniniwala ako na sa dami ng pinagdaanan ko, the best is yet to come and this is my year, na magiging blockbuster ang ‘Sinagtala,’” ani Arci tungkol sa pelikula nilang ipalalabas sa mga sinehan sa April 2.
