HATAW! D'yaryo ng Bayan hatawtabloid.com
MA at PA
ni Rommel Placente
AFTER matsismis kay Mark Herras, nilalagyan naman ngayon ng malisya ang friendship ng Revival King na si Jojo Mendrez kay Rainier Castillo.
Ang chika, mukhang nagkasulutan daw ang magkaibigang Mark at Rainier dahil sa chikang si Rainier naman daw ang umano’y palaging kasama ngayon sa mga lakaran at gimikan ni Jojo.
May mga lumabas na litrato sina Jojo at Rainier, na kuha habang naglalaro sila sa hotel casino, na roon din naispatan ang singer at si Mark.
Aside from this, gumawa rin ng reaction video si Rainier sa kanta ni Jojo na Nandito Lang Ako, na mapapanood sa Facebook page ng Revival King.
Kaya naman mas naloloka ngayon ang fans!
Sino raw ba talaga kina Mark and Rainier ang apple of the eye ni Jojo? Pinagsasabay daw ba ng singer ang dalawang produkto ng StarStruck?
Para kanino ba raw talaga ang kanta niyang Nandito Lang Ako at Somewhere in My Past, kay Mark ba o kay Rainier?
Habang isinusulat namin ang balitang ito ay wala pang inilalabas na official statement si Jojo at si Rainier. Bukas ang aming pahina sa magiging reaksiyon ng Revival King at ng Kapuso actor hinggil sa isyu about them.
