MATABIL
ni John Fontanilla
IBA talaga ang karisma ng Prinsesa ng GMA 7 na si Jillian Ward sa mga manonood dahil humamig lang naman ng isang bilyong views ang pinagbibidahan nitong GMA Primetime series na My Ilonggo Girl.
Bukod sa isang bilyong views ay hataw din at mataas ang ratings nito.
Post nga ng GMA Public Affairs sa kanilang Facebook page, “May 1 billion views na ang ‘My Ilonggo Girl,’ mga palangga! Madamo gid nga (maraming) salamat sa inyong pagsubaybay!”
Ginagampanan ni Jillian sa serye ang dalawang karakter—si Tata, isang Ilongga at si Venice, na ngayon ay ginagampanan ni Myrtle Sarrosa.
Kabituin ni Jillian sa serye si Michael Sager na napapanood tuwing Lunes hanggang Huwebes 9:35 p.m..
