WALANG awkwardness kaming napansin sa mga video at mga picture nina Maine Mendoza, Arjo Atayde, at Alden Richards na ipinost ng ilan sa mga dumalo sa birthday party.
Bagama’t wala pa kaming nakikitang picture na magkasama sina Maine, Arjo, at Alden, ang pagdalo ng huli sa kaarawan ng una ay nangangahulugang okey sila at magkakaibigan.
Spotted nga si Alden sa 30th birthday ni Maine na naganap noong March 3 sa Uma Nota Manila sa BGC, Taguig.
Bukod kay Alden, dinaluhan din ng malalapit na kaibigan ni Maine ang kanyang 30th birthday. Naroon ang mag-asawang Vic Sotto at Pauleen Luna, Tito Sen, Jose Manalo, Allan K, Oyo Sotto at Kristine Hermosa, Ciara Sotto, Maja Salvador at marami pang iba.
Hindi nakadalo sa birthday celebration ni Maine ang isa pang original Dabarkads na si Joey de Leon. Subalit nagpadala iyon ng regalo kay Maine.
Ibinahagi ni Joey ang kanyang regalo sa kanyang Instagram account. Isa iyong painting ng clown. Caption ni Joey, “This is my gift to the Birthday Girl Maine — a self portrait with a touch of Yaya Dub (polka dots).
“Thanks Menggay for the happy and funny ten years as a Dabarkads!”
Sagot ni maine, “Thank you, Boss Joey! Love you.”
