Winwyn mas humusay, gumaling, at very fresh

PUSH NA’YAN
ni Ambet Nabus

ANG sexy ngayon ni Alexa Ilacad na nag-render ng kanta sa isang event.

Mereseng naka-gown ito at upbeat ang kinakanta, lutang pa rin ang galing at kaseksihan nito on stage.

Pero kakaiba ang dance number ni Winwyn Marquez na earlier that day ay may sashing ceremony bilang official candidate ng Muntinlupa City sa darating na Miss Universe Philippines pageant.

At 32, mas humusay, gumaling, still very fresh and young looking si Winwyn na punompuno ng confidence kaya’t lalo itong gumanda at naging ismarte. Kahit sinong mas bata sa kanya na makakalaban niya soon ay kakabahan talaga at mangangatog dahil kompletos rekados si Wyn sa mga usaping pasarela, comm skills, talino, gandang Pinay at magandang kalooban nito.

Napaka-marespeto pa nito dahil ito pa talaga ang kusang lumapit sa amin para makipag-kumustahan at dahil hindi nga kami invited sa sashing ceremony niya earlier that day, sa tsikahan namin ko lang nalaman na gogogo na nga siya as Muntinlupa rep. 

Mismong si Ana Magkawas na siyang may official rights ng Miss Universe-Phils Muntinlupa ang nag-appoint sa kanya at nangakong magbibigay ng 100% support.

Present din si Dimples Romana na gaya ni Winwyn ay marespetong lumapit at nakipaghuntahan kahit saglit sa mga nakita at nakilala niyang media friends.

Pero siyempre mas special kami dahil may mga pabulong na tsismis kaming napag-usapan.

Uy, touched din ako kay Dominic Roque ha. Noong makita niy akong papalapit sa table niya, tumayo ito, iniabot ang kamay at masuyo kaming pinaupo sa tabi niya.

Again, nagkumustahan kami ng mga private tsikahan on his advocacies sa Gabay Kalikasan at Gabay Guro, pati na yung ‘rider team’ nila nina Jak Roberto na minsan naming nakasalubong sa isang event sa Nueva Ecija.

Pero ‘yun na nga, noong batiin na namin itong mas lalong pumogi at naging at peace maybe dahil sa lovelife, isang napaka-gwapong ngiti ang isinukli nito sabay sabi ng, “no tsismis today papa Ambet.”

For sure, ‘yung mga dealer/distributor ni Ms Anaat ng Luxe ay sulit na sulit ang paghanga sa mga artista/endorser na nabanggit dahil game na game ang mga ito sa pakikipag-piktyuran sa kanila.

Mula sa coffee products at supplements, bongga na rin ang cosmetics, beauty at iba pang wellness products ng Luxe.

Mabuhay po kayo!