HATAW! D'yaryo ng Bayan hatawtabloid.com
MA at PA
ni Rommel Placente
IBINALITA ni Ogie Diaz sa vlog nila ni Mama Loi at Tita Jegs na Showbiz Update na ibabalik ng ABS-CBN ang dating show ni Vice Ganda na GGV (Gandang Gabi Vice).
Sabi ni Ogie, “May isang post na pa-blind item na kung totoong tinanggihan ang pagdya-judge sa PGT (Pilipinas Got Talent) ‘yun pala naman kaya tinanggihan ay para maibalik ‘yung dating show.
“Si Vice Ganda na hindi na raw magdya-judge sa ‘PGT’ kasi nga pinaplano na ang pagbabalik ng ‘GGV’ o ‘Gandang Gabi Vice.’
“Kung mapapansin mo nauuso na ngayon mga interbyuhan baka gustong isabay ng ABS-CBN ‘yun at ito ang in ngayon at funny pa na si Vice Ganda ang mag-i-interview, balik natin ang ‘GGV.’ Naku ‘no, ang tagal na rin ng ‘GGV,’” aniya pa.
Hirit ni Mama Loi, “at saka madalas tinatanong ‘yan ni Meme sa mga post niya na, ‘gusto n’yo na bang magbalik ang ‘GGV?’ May clamor kumbaga maraming nagtatanong sa kanya kung kailan magkakaroon ulit.”
Sabi pa ni Ogie, “At saka may mga gimik din kasi ang ‘GGV,’ ‘di ba? Exciting ‘yan, ako parati kong pinanonood ang ‘GGV.’”
Balik-tanong ni Mama Loi, “Eh kaso ‘Nay (Ogie), kung magbabalik ang ‘GGV’ ni Meme, sino kaya ang papalit sa kanya na pangmalakasang judge sa ‘Pilipinas Got Talent?’”
Sagot agad ni Ogie, “Malay mo magbabalik si Angel Locsin?”
Napahiyaw sina Mama Loi at Tita Jegs, “Hay! Why not! Pero sino na kaya ang final na judges ‘Nay?”
“Wala pa akong idea riyan pero kung ako tatanungin kapag nagbalik ang PGT, nagbalik din ang isang Angel Locsin,” sagot ni Ogie.
Say ni Mama Loi, “Oo nga, ang gandang pagbabalik (ni Angel).”
“At siyempre kung magkakatotoo man ‘yan, congratulations, Vice! Dasurved ng mga Filipino ang pagbabalik ng GGV,” sabi pa ni Ogie.
