Saturday , February 8 2025
Sipat Mat Vicencio

Laglag na si Bato, lumalaban pa si Bong Go

SIPAT
ni Mat Vicencio

DAPAT tanggapin na ni Senator Bato dela Rosa sa kanyang sarili na sa kasalukuyang sitwasyon ay wala na siyang puwang na muling manalo pa bilang isang senador sa darating na midterm elections sa Mayo.

Sabi nga, ubos na ang suwerte ni Bato, at makabubuting paghandaan na lamang ang patong- patong na kasong kakaharapin niya dahil sa kanyang papel na ginampanan sa ‘War on Drugs’ ni dating Pangulong Rodrigo “Digong” Duterte.

Kung tutuusin, matagal nang markado si Bato ng Palasyo, simula nang pasabugin niya ang tinatawag na ‘PDEA leaks’ na ang layunin ay guluhin ang kasalukuyang gobyerno at gibain si Pangulong Ferdinand “Bongbong” Marcos Jr.

At kung pag-uusapan naman ang performance ni Bato sa Senado, walang tanging maaalala sa senador kundi ang mga galit at sigaw nito sa humarap na resource persons sa mga hearing sa kanyang komite.

Mapapansin din laging kulelat si Bato sa mga senatorial survey at hirap makapasok sa ‘Magic 12’ tulad nang isinagawa ng SWS at Pulse Asia na pumuwesto lamang ang senador sa ika-13.

Samantala, si Senator Bong Go, isa pang reelectionist ay patuloy na lumalaban at umaasang sa pamamagitan ng kanyang walang tigil na propaganda at ‘pangangampanya’ ay makalulusot sa darating na halalan.

Sa mga senatorial survey, hindi nawawala ang pangalan ni Go at kadalasan ay pumapasok sa ‘Magic 12’ ng senatorial race sa kabila ng mga kasong graft na kanyang kinakaharap gaya ng P6.6 billion government projects at P167-billion Philippine Navy frigate.

Mabigat ang pagsubok o magiging laban ni Go dahil kamakailan lamang inirekomenda ng House ‘QuadComm’ na kasuhan ang senador ng crime against humanity kaugnay sa tinatawag na extrajudicial killings o EJK sa panahon ng panunungkulan ni Digong.

Higit na umaasa rin si Go sa tinatawag na ‘Duterte magic’ na kung meron man itong natitirang bisa ay maaaring makatulong sa kanyang kandidatura at magluklok muli sa kanya bilang senador.

Pero sinasabi nga, si Bongbong ang kasalukuyang pangulo ng Filipinas at malaking bagay kung ang isang politiko ay kaalyado ng administrasyon dahil sa malawak nitong makinarya, organisasyon, impluwensiya, at pagkakaroon ng limpak-limpak na pondo.

About Mat Vicencio

Check Also

Firing Line Robert Roque

Mga espiya ng China, buking na!

FIRING LINEni Robert B. Roque, Jr. HINDI na bago sa atin ang hindi magagandang ginagawa …

Aksyon Agad Almar Danguilan

Healthy Quezon City, isinulong ni Mayor Joy B.

AKSYON AGADni Almar Danguilan HEALTHY Quezon City? Yes, in tagalog ay malusog na lungsod. Iyan …

Sipat Mat Vicencio

Todong suporta ni Nelson Ty kay Isko Moreno

SIPATni Mat Vicencio TAONGBAYAN ang maghahalal sa bawat kandidatong tumatakbo ngayong darating na eleksiyon na …

Dragon Lady Amor Virata

Vic Rodriguez ‘barado’ kay BBM

Isumbong mokay DRAGON LADYni Amor Virata BINARA ni Pangulong  Bongbong Marcos ang hamon ng kanyang …

Firing Line Robert Roque

Gawaing Binay

FIRING LINEni Robert B. Roque, Jr. MARAMING taon ang nakalipas nang makahuntahan ko sa Embassy …