I-FLEX
ni Jun Nardo
NAGKAROON ng malaking pagbabago sa logo ng ALLTV kung may channel kayo ng Villar network.
Idinagdag ang number 2 sa last letter ng logo kaya naman ang logo na nito ngayon ay ALLTV2, huh!
May malaking pagbabago kaya sa shows na mapapanood sa ALLTV sa darating na 2025?
Bigla tuloy naming naalala ang bali-balitang hanggang December na lang ang It’s Showtime sa GMAat GNTV na channels ng Kapuso Network. Sa ngayon, napapanood sa ALLTV ang It’s Showtime.
Siyempre, competitor pa rin sa GMA ang ALLTV. Eh kung may number 2 na sa logo, ano ang reaksiyon dito sa GMA bosses na 7 ang kanilang numero mula noon hanggang ngayon?
Kung may payanig na mangyayari sa pagkakaroon ng 2 sa logo ng ALLTV, abangan nating lahat.
