Friday , July 19 2024
Sta Maria Bulacan

Pagala-gala sa mga barangay
TIRADOR NG MGA KAWAD AT BISIKLETA, TIMBOG

HINDI na nakapalag ang isang lalaki nang arestuhin ng mga awtoridad matapos maaktuhang kinukulimbat ang  kawad ng kuryente ng isang residente sa Brgy. Bagbaguin, Santa Maria, Bulacan kahapon ng umaga, Hunyo 17.

Kinilala ni Brgy. Captain Andy Tiqui ng Brgy. Bagbaguin ang naarestong si Buen Benedict y Samson, 23-anyos, binata, walang trabaho at residente ng St. Claire St., Brgy Sta Clara, Santa Maria, Bulacan.

Ayon kay Tiqui, naaktuhan ng mga barangay tanod ang matagal na nilang pinaghahanap na magnanakaw ng mga kawad at bisikleta na kadalasan ang mga nabibiktima ay mula sa Sitio Bahay-Pawid at Sitio Fatima.

Ang suspek din aniya ang naaktuhan ng mga taga-Sitio Sulucan na sisilip-silip sa mga bahay-bahay sa lugar at malimit nilang makita na nakatambay sa ilalim ng tulay.

Sa naging pahayag naman ng biktimang si Aissa De Jesus ​​Y Belleza, babae, 43-anyos, sales lady, at residente ng 785 Bahay Pawid, Brgy Bagbaguin, Santa Maria, Bulacan, ay naaktuhan niya  na kinukulimbat ng suspek ang kawad ng kuryente sa loob ng kanilang compound na nagkakahalagang Php1,500.00.

Agad namang humingi ng tulong ang biktima sa mga barangay tanod ng Brgy. Bagbaguin na agad rumisponde at nagresulta sa pagkakaaresto sa suspek at nakumpiska sa kanya ang mga ninakaw na kawad at bisikleta gayundin ng pamputol tulad ng pliers.

Ang suspek ay binigyan ng kanyang mga karapatan o ‘Miranda Doctrine’ at kasalukuyang nasa kustodiya ng Santa Maria Municipal Police Station (MPS) habang inihahanda ang kasong ‘Theft’ laban sa kanya na isasampa sa Office of the Provincial Prosecutor, City of Malolos, Bulacan. (MICKA BAUTISTA)

About Micka Bautista

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

CPP PNP NPA

Miyembro ng CPP-NPA boluntaryong sumuko sa Bulacan police

ISANG miyembro ng Communist Party of the Philippines-New People’s Army (CPP-NPA) ang boluntaryong sumuko sa …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …