MATABIL
ni John Fontanilla
NAGBABALIK-SHOWBIZ ang Aljur Abrenica look a like na si Aldrich Darren na nag concentrate sa pag aaral at pagnenegosyo.
Ilang taon din daw namahinga sa pag-arte sa telebisyon, pelikula, at pagmomodelo si Aldrich at bigla niyang na-miss ang pag-arte kaya naman nagdesisyon itong magbalik-showbiz.
Ilan sa mga nagawa niyang proyekto bago mag-lie low sa showbiz ang mga pelikulang Kabaro, No Way Out, Pitik Bulag, Angelita, Shake Rattle and Roll XII (Punerarya), at Desperadas 2.
Nakapag-guest naman ito sa mga TV show na Magpakailanman sa episode na Kambal na Lihim, Maynila sa episode na Aishiteru, I Love You, Blusang Itim, Love Hotline, Tweenhearts, at Walang Tulugan with the Mastershowman.
Pangarap ni Aldrich na makaarte muli sa telebisyon at pelikula at makasama ang idolong si John Loyd Cruz na para sa kanya’y isa sa pinaka-mahusay na aktor sa bansa.
