Sunday , June 23 2024
Bagong CAA-C Health Center binuksan na ng Las Piñas LGU

Bagong CAA-C Health Center binuksan na ng Las Piñas LGU

BINUKSAN na ng pamahalaang lungsod ng Las Piñas sa pangunguna ni Vice Mayor April Aguilar ang bagong CAA-C Health Center sa Barangay BF International CAA bilang pagpapahusay sa pangangalaga ng kalusugan ng mga residente.

Ang inagurasyon ng bagong health center ay pinangunahan ni VM Aguilar kasama si City Health Office OIC Dr. Juliana Gonzalez.

Kabilang sa mga serbisyong ipinagkakaloob ng health center ang komprehensibo at libreng mga serbisyo sa infant at child immunization, medical consultations, at dental services gaya ng tooth extractions, fluoride treatments, at free dentures o pustiso.

Nagkakaloob din ng pre-natal at post-partum care, tuberculosis diagnosis and treatment, adolescent mental health, at teenage pregnancy counseling.

Makukuha ang iba pang serbisyo katulad ng STI/HIV screening, management of lifestyle-related diseases kabilang ang hypertension, diabetes, at cancer, mayroon din cervical screening, nutrition assessment at counseling.

Magsisilbi ang health center sa pagtutok sa pangangalaga sa mga Green Card o Las Piñas City Health Program (LPCHP) holders at magbibigay ng referrals para sa diagnostic laboratory services.

Ang opisyal na pagbubukas ng CAA-C Health Center ay mahalagang hakbang sa pagtugon sa kinakailangang pangangalaga sa kalusugan ng mga residente upang tiyakin na madali nilang makukuha ang mahahalagang serbisyong medikal na handog ng lokal na pamahalaan. (EJ DREW)

About hataw tabloid

Check Also

knife saksak

Sinaksak ni Tibo
WAREHOUSE STAFF, SUGATAN

GRABENG nasugatan ang isang warehouse staff matapos saksakin ng kapitbahay na babae na kanyang nakatalo …

dead gun police

Robbery suspect patay 2 pulis grabeng sugatan

PATAY ang isang robbery suspect habang dalawang pulis ang sugatan sa isang enkuwentro sa lungsod …

airplane

Sex convict nagtangkang pumasok sa PH huli ng BI

MULING NAHARANG ng mga tauhan ng Bureau of Immigration (BI) sa Ninoy Aquino International Airport …

Samuel Pabonita Pasay Police

POGO sa Pasay, krimen walisin — Pasay cop

INAMIN ni Pasay City Chief of Police Col. Samuel Pabonita, malaking bagay para sa seguridad …

3,000 Caviteños Cayetano DSWD

3,000 Caviteños nagpasalamat sa suporta mula sa mag-utol na Cayetano at DSWD

PINAIGTING ng mga tanggapan nina Senador Alan Peter at Pia Cayetano ang kanilang pagbisita sa …