Sunday , June 16 2024
2 HVI arestado sa Laguna P.387-M shabu nasamsam

2 HVI arestado sa Laguna P.387-M shabu nasamsam

NASAKOTE ang dalawang lalaking nakatala bilang high value individual (HVI) habang nakompiska ang P387,600 halaga ng hinihinalang shabu sa drug bust operation na isinagawa ng Drug Enforcement Unit ng Cabuyao CCPS nitong Huwebes ng umaga, 30 Mayo, sa lungsod ng Cabuyao, lalawigan ng Laguna.

Kinilala ang mga nadakip na suspek na sina alyas Cristopher, 39 anyos, residente sa Brgy. Mamatid, Cabuyao; at alyas Bongbong, 37 anyos, residente sa Brgy. Looc, Calamba, kapwa nakatalang High Value Individual sa ilalim ng Cabuyao CCPS Drug Watchlist.

Sa nasabing operasyon, nasabat ng mga awtoridad ang pitong plastic sachet ng hinihinalang shabu na may timbang na 57 gramo at tinatayang nagkakahalaga ng P387,600; dalawang motorsiklo; isang cellular phone; buybust money; at iba pang drug paraphernalia.

Parehong nasa kustodiya ng Cabuyao CCPS ang mga naarestong suspek at mga nakompiskang ebidensiya upang isasailalim sa drug test at laboratory examination sa Regional Forensic Unit 4A.

Ipinahayag ni P/BGen. Paul Kenneth Lucas na sa kabila ng mga hamon na kinakaharap ng PNP CALABARZON sa kampanya nito laban sa ilegal na droga, nananatiling determinado at dedikado ang tanggapan sa pagtupad sa kanilang mga mandato.

Dagdag niya, “Hindi magsasawa ang ating mga pulis na gawin ang aming mandato na pagserbisyohan at protektahan ang bawat mamamayan ng CALABARZON sa anumang uri ng kriminalidad lalo na ang mapaminsalang epekto ng ilegal na droga.”

Samantala, inihahanda na ang reklamong kriminal laban sa mga suspek para sa kasong paglabag sa Section 5 at 11, Article II ng RA 9165 o Comprehensive Dangerous Drugs Act of 2002. (BOY PALATINO)

About Boy Palatino

Check Also

DOST 1 opens ‘smart and sustainable’ workshop in Laoag City

DOST 1 opens ‘smart and sustainable’ workshop in Laoag City

THE Participatory Planning and Road Map Development Workshop towards a Smart and Sustainable City of Laoag kicked off …

Las Piñas LGU may bagong environmental at health vehicles

Las Piñas LGU may bagong environmental at health vehicles

PINABASBASAN ng pamahalaang lungsod ng Las Piñas ang nakuhang mga bagong sasakyang pangkalikasan at pangkalusugan …

10,000 trabaho handog ng pasay LGU sa Kalayaan Job Fair

10,000 trabaho handog ng pasay LGU sa Kalayaan Job Fair

ISANG mega job fair ang inihandog ng lokal na pamahalaan ng lungsod ng Pasay kahapon …

Chavit Singson

Chavit Singson mamimigay ng P7-M sa kanyang kaarawan

MAMAMAHAGI si dating governor Luis “Chavit” Singson ng saya at kabutihang-loob sa pagdiriwang ng kanyang kaarawan ngayong taon. …

Sam Verzosa Yul Servo

VM Yul at Rep Sam magsasalpukan sa pagka-Manila mayor 

I-FLEXni Jun Nardo NAGPAPARAMDAM na ang bofriend ni Rhian Ramos na si partylist representative Sam Versoza sa ilang barangay …