Thursday , June 13 2024
Sipat Mat Vicencio

Tigas ng mukha ni Senator Bato

SIPAT
ni Mat Vicencio

“TO Bato dela Rosa, who stuck it out with me to the very end, I salute you sir.”

Ito ang pahayag ni Senator Migz Zubiri sa kanyang resignation speech matapos na ‘patalsikin’ bilang pangulo ng Senado.

At habang umiiyak si Migz at sumasaludo kay Senator Ronald “Bato” dela Rosa, makikitang humahagulgol naman si Bato, tinatakpan ng dalawang kamay ang kanyang pagmumukha at paulit- ulit na hinihimas ang makintab na ulo.

Nakagagalit ang ginawa ni Bato dahil sa huling sandali, hindi man lamang niya sinabihan o nagpasintabi kay Migz bago pa man sumalang sa gagawing huling privilege speech na nakapirma na pala siya sa grupo ni Senator Chiz Escudero.

Simpleng traydor o garapal na traydor?

Sabi pa ni Bato…“My signature was already insignificant. They came to me after the battle had been won. They already had 14 signatures.”

E, pilosopo pala talaga itong si Bato, dahil kung insignificant, bakit siya pumirma? Ang malinaw, isa si Bato sa nagpatalsik kay Migz dahil sa kanyang signature. Nagpapalusot pa si Bato pero ang babaw naman ng rason. Immaterial daw, kamote!

At malinaw rin bilang PDP-Laban, si Bato kasama sina Sen. Bong Go at Sen. Francis “Tol” Tolentino ay meron linyang politikal na sinusunod bilang alipores ni dating Pangulo Digong Duterte at ang lahat na mahahalagang desisyon na kanyang gagawin ay may kumpas ng dating pangulo.

Kaya nga, masasabing sa simula pa lamang ng ‘gulo’ meron nang desisyon si Bato sakaling magkakaroon man ng pagbabago sa liderato ng Senado at ang kanyang interes ay mangingibabaw tulad ng pagpanig niya sa majority group na pinamumunuan ngayon ni Chiz.

At tusong hakbang  ang ginawa ni Bato sa pagsuporta kay Chiz  dahil alam niyang kahit na papaano nabulabog na ang Malacañang sa pagdining ng ‘PDEA leaks’ na nag-uugnay kay Pangulong Ferdinand “Bongbong” Marcos, Jr., na umano’y gumagamit ng ipinagbabawal na gamot.

Mensahe nga ni Migz kay Bato…“At least alam niya na dinipensahan ko siya bilang chairman ng committee at dahil d’yan, nagkaroon po ng sakripisyo, ako po ang sakripisyo d’yan. Nawala ako sa posisyon.”

Hay naku, saan kaya humuhugot ng kapal ng pagmumukha itong si Bato, dahil sa huling pagkakataon, at sa kanyang ginawang pambabalahura, nagawa pa niyang yakapin ang asawa ni Migz.

Sabi pa ni Migz…“Niyakap mo pa ‘yung asawa ko. Parang, wow. Bakit mo pa niyakap ‘yung asawa ko?” 

About Mat Vicencio

Check Also

Sipat Mat Vicencio

Dapat lang sibakin si Migz

SIPATni Mat Vicencio WALANG ibang dapat na sisihin sa pagkakasibak ni Senator Juan Miguel “Migz” …

FIRING LINE ni Robert B. Roque, Jr.

General lie

FIRING LINEni Robert B. Roque, Jr. PINAKAWALAN sa Shangri-La Dialogue ng pinakamatataas na opisyal ng …

AKSYON AGAD ni Almar Danguilan

Pananakit ng grupong MANIBELA kay Gonzales, kinondena ng QCPDPC

AKSYON AGADni Almar Danguilan NAKALULUNGKOT ang balita o nangyari kahapon sa kapatid namin sa pamamahayag …

YANIG ni Bong Ramos

First class citizens sa PH

YANIGni Bong Ramos DARATING daw ang araw na ang mga ‘Intsik’ na ang mga first …

AKSYON AGAD ni Almar Danguilan

Ang pagkakaiba ni suspended Mayor Guo sa traditional politicians

AKSYON AGADni Almar Danguilan MARAHIL ‘balik farm’ muna si Bamban (Tarlac) Mayor Alice Guo. Ha!? …