Coco at Ruru gustong makatrabaho ni Ralph Dela Paz

MATABIL
ni John Fontanilla

PAGKALIPAS ng ilang taon ay nagbabalik showbiz ang aktor, stage actor, at commercial model na ngayon ay successful businessman, si Ralph Dela Paz, owner ng isa sa pinakamasarap na siomai sa Pilipinas ang , Siomura na mayroon ding noodles. 

Pansamantalang iniwan ni Ralph ang showbiz at nag-focus sa kanyang pag-aaral, at nang gumradweyt ay nagbukas ng sariling business, ang Siomura.

Ilan sa mga nagawa nitong proyekto bago nag-lie low noon sa showbiz ang Valor World War II na siya ang bida at  ginampanan nito ang role bilang si Col. Emmanuel V. De Ocampo at nanalo ng award sa Japan, at nagbida rin ito sa Ang Tweet Ni Florante ka’y Laura with Teejay Marquez and Venus Raj; Flying Kiss, Salamin, Promdi, at Siklo with Kiko Estrada.

Nakasama ri  ito sa mga  teleseryeng Sa Piling Ni Nanay, Destined To Be Yours sa GMA 7, at Bukas May Kahapon sa IBC 13.

At ngayon, handang-handa na muling sumabak sa acting si Ralph at sana raw ay mabigyan siyang muli ng proyekto, mapa- pelikula, stage play o teleserye.

Ilan sa dream nitong makatrabaho sina Coco Martin na nagsisimula pa lang daw sa showbiz si Ralph ay idolo na niya at ang Kapuso actor na si Ruru Madrid na kapatid niya sa Iglesia ni Kristo.