Sunday , May 19 2024
Jhassy Busran Keeno Alonzo

Jhassy Busran sobrang saya, Pugon na award-winning short film mapapanood sa Cannes Film Festival

ALAM MO NA!
ni Nonie Nicasio

SOBRA ang kagalakan ng teen actress na si Jhassy Busran nang ibalita sa kanyang pasok sa Cannes Film Festival 2024 for Screening ang kanilang short film na Pugon.

Pahayag ni Jhassy, “Sobrang saya ko po na kahit 2020 pa namin (siya) ginawa at 2021 namin naipalabas, up until now na 2024 na, tuloy-tuloy pa rin ang pag-angat (niya).

“Iyong Pugon po kasi ang pinaka-nag-open sa akin ng maraming pinto sa career ko. Simula kasi nang nanalo ako ng acting awards sa Pugon, ang dami nang nagtiwala sa akin, maraming nakakilala, maraming nagbukas ng pinto para sa akin and I’m very happy na up until now ay umaarangkada pa rin si Pugon.”

Paano nakapasok sa Cannes ang Pugon?

Tugon ng talented na young actress, “I really don’t know po, sinabi lang din po sa amin ni direk (Gabby Ramos).

“Noong sinabi sa akin ni Direk, hindi ko alam kung anong mapi-feel ko. Parang nao-overwhelm po ako, sobra,” masayang pahayag pa niya.

Ano ang reaction niya na pang Cannes na rin siya? Sa May gaganapin iyan sa France, hindi ba?

“I was really happy po siyempre, kasi another opportunity na naman po for sure ang magbubukas for me. Yes po sa May po (siya) gaganapin,” pakli ni Jhassy.

Nagbigay ng detalye si Jhassy ukol sa kanilang short film.

Sambit ni Jhassy, “Ako po roon si Sonia, isa po ako sa mga batang ipanambayd sa utang ng mga magulang nila. Nagtrabaho po ako isang panaderya po roon at ang naging amo ko ay si Sir Soliman Cruz.

“So, roon nagsimula iyong istorya ko na naggagawa ako ng tinapay at sa utak ko ay ilang buwan lang ako roon, pero iyon pala, tuloy-tuloy ang pag-utang ng mga magulang ko. So, tuloy-tuloy din ako sa pagbabayad (sa pamamagitan ng pagtatrabaho), kahit tapos na iyong buwan na dapat akong umuwi na.

“Ganoon po, so roon nagsimula iyong paghihirap ni Sonia.”

Bukod kina Jhassy at Soliman, tampok din sa Pugon ang veteran actress na si Andrea del Rosario. Ito ay mula sa pamamahala ni Direk Gabby.

Una ngang nakilala ang dalagita sa short film na Pugon na nanalo si Jhassy ng ilang acting awards. Kabilang dito ang IFFM (New York) – Jury’s Best of the Best Performance of an Actress; Gully award – Best Child Actress; Ashoka international Film Festival 2021 – Best Child Artist; at WCEJA- Outstanding Lead Actress in Movie.

Ang susunod na aabangan kay Jhassy ay ang pelikulang “Ang Huling Sayaw Ni Erlinda” na tatampukan nila ni Rez Cortez.

“Ang ‘Ang Huling Sayaw ni Erlinda’ po was originally for a short film, but they’re planning po to make it a full-length film. It is a story about unconditional love po, I won’t go into details na po since ayaw ko ma-spoil (siya) and I want you po na mapanood n’yo talaga siya, hehehe.

“Kasama rin sa pelikula sina Lola ube, MJ Manuel, Keeno Alonzo and many more, directed by Direk Gabby Ramos po.”

Ano pa ang wish niyang mangyari sa kanyang showbiz career?

Sagot ni Jhassy, “Marami po akong gustong mangyari sa career ko po, siyempre kasama po roon ang mag-succeed sa larangang ito. Pero gaya nga rin po ng mga sinasabi ko even before, na kung ano po ang dumating na biyaya sa atin dito at kung hanggang saan lang ito ay buong puso ko pong tatanggapin.”

About Nonie Nicasio

Check Also

Piolo Pascual Mallari

Piolo Pascual muling nasungkit Best Actor trophy para sa Mallari

MULING nasungkit ni Piolo Pascual ang Best Actor award para sa kanyang pagganap sa Mallari sa katatapos na Box …

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …