Wednesday , May 22 2024
heat stroke hot temp

Forecast ng heat index, umabot sa 40°C
GOB. FERNANDO, NAGPAALALA SA MGA BULAKENYO TUNGKOL  SA MGA HEAT EMERGENCY

IPINAALALA ni Gob. Daniel Fernando sa mga Bulakenyo na uminom ng maraming tubig, magdala ng payong kapag lalabas, at magsuot ng komportable at magaan na damit upang makaiwas sa heat emergencies tulad ng heat cramps, heat syncope, heat exhaustion, at heat stroke kasabay ng pagpalo ng heat index forecast sa 40°C.

“Kung posible, iwasan na po nating lumabas ng ating mga tahanan ng tanghaling tapat. Kung hindi naman maiiwasan na lumabas, gawin na lamang natin ang mga ito sa umaga o hapon kung kailan hindi pa tirik ang araw,” anang gobernador.

Base sa dalawang araw na taya ng panahon na inilabas ng Department of Science and Technology-Philippine Atmospheric, Geophysical and Astronomical Services Administration, maaaring umabot ang heat index sa kanilang estasyon sa Clark Airport (DMIA) sa Pampanga ng 39°C sa Abril 3 at 40°C sa Abril 4.

Samantala, ayon sa Provincial Health Office-Public Health, ang mga paunang lunas na maaaring ilapat sa mga taong nakararanas ng heat emergency ay ang paglilipat sa biktima sa malilim o malamig na lugar; pagtatanggal ng mga damit na dumadagdag sa init ng katawan; pagpaypay at pagtapat sa biktima sa electric fan; pagwisik ng tubig sa buong katawan; paglalagay ng ice packs sa pisngi, palad, at talampakan ng biktima; at pagdadala sa pinakamalapit na primary care provider.

Ilan sa mga senyales at sintomas ng heat stroke ang temperatura na lagpas 40°C; mainit, namumula, at tuyong balat; pagkawala ng malay, kombulsiyon, at pagkawala sa sarili; pagkahilo, pananakit ng ulo, pagsusuka, pagduduwal; at pangangalay o pamumulikat ng kalamnan. (MICKA BAUTISTA)

About Micka Bautista

Check Also

Cyberlibel vs health advocate doctor inihain ng Bell-Kenz Pharma sa NBI

Cyberlibel vs health advocate doctor inihain ng Bell-Kenz Pharma sa NBI

SINAMPAHAN ng kasong cyberlibel si public health advocate doctor Anthony Leachon kaugnay ng anila’y akusasyon …

Chiz Escudero Migz Zubirri

Escudero aminadong pasimuno ng kudeta laban kay Migz Zubiri

INAMIN ng bagong halal na Senate President na si Senador Francis Joseph “Chiz” Escudero na …

DOST SETUP MSME marks significant invention in the Abaca Industry

DOST SETUP MSME marks significant invention in the Abaca Industry

TO UPGRADE the technological capabilities and improve the productivity and efficiency of MSMEs in the …

Citywide Clearing Ops inilarga ng Pasay LGU sa ilang barangay para paghahanda vs La Niña

Citywide Clearing Ops inilarga ng Pasay LGU sa ilang barangay para paghahanda vs La Niña

NAGSAGAWA ng Citywide Clearing Operation ang pamahalaang lungsod ng Pasay partikular sa Barangay 55, 53, …

Drug den operator, PDEA regional target, 4 pa, arestado sa Subic

Drug den operator, PDEA regional target, 4 pa, arestado sa Subic

ANIM na katao na pinaghihinalaang sangkot sa illegal na droga kabilang ang isang drug den …