Thursday , April 18 2024

Tensiyon sumiklab sa QC
2 PARAK, 4 KASABWAT ARESTADO

040324 Hataw Frontpage

ni  ALMAR DANGUILAN

DINAKIP ang dalawang pulis at apat pang mga kasamahang lalaki matapos maghasik ng tensiyon sa mga residente ng Brgy. Pag-ibig sa Nayon, Quezon City nitong Lunes ng madaling araw.

Kinilala ang mga nadakip na sina Patrolman Edmir Burton Paliota, 30 anyos, nakatalaga sa Lingayen, Pangasinan Provincial Police Office (PPO); Dylan Lola Verdan, 44, dating pulis; Errol James Villa, 29, helper;  Raymond Palabay Apostol, 38, driver; Mark Alfaro Pueyo, 45, at Romie Bulandos Soliman, 28 anyos.

Sa report ng Criminal Investigation and Detection Unit – Quezon City Police District (CIDU-QCPD), bandang 12:20 am nitong Lunes, 1 Abril, namataan ang mga suspek sa Ligaya St., kanto ng A. Bonifacio, Brgy. Pag-ibig sa Nayon, sa lungsod.

Sa imbestigasyon ni P/SSgt. Angel Pascasio III, nakatanggap sila ng tawag mula sa  mga residente hinggil sa mga kahina-hinalang motor at sasakyang gumagala sa kanilang barangay.

Mabilis na nagresponde ang mga pulis at naabutan ang mga suspek na sakay ng Toyota Vios at Yamaha Mio-I kaya agad nilang nilapitan.

Sa inspeksiyon, nakita ng mga awtoridad ang 9mm baril mula kay Apostol na sakay ng motorsiklo at sinubukan pang tumakas habang ang pumagitna ang mga nakasakay sa Toyota Vios at tinangkang itulak ang mga pulis na sina P/MSgt. Erwin Garcia, P/SSgt. Don Don Sultan, P/Cpl. Joselito Quizzagan, P/Cpl. Agapito Gatulla, P/Cpl. Jan Kenneth Sacay, at Pat. Virgilio Monterey, pawang nakatalaga sa La Loma Police Station 1.

Gayonman, matapos ang komosyon ay nadakma pa rin ang mga nasabing suspek.

Narekober mula sa mga suspek ang 9mm caliber pistol na walang serial number;  magazine na may laman na walong bala,  Toyota Vios, may plakang NGT 7223,  at Yamaha Mio-i125 na walang plaka; at LTO Vehicle Plate number NDS 4578.

Kasalukuyang nakapiit ang mga suspek habang inihahanda ang kasong paglabag sa RA 10591  (Comprehensive Firearms and Ammunition Regulation Act) at Obstruction of Justice laban sa kanila.

Patuloy ang isinagawang imbestigasyon ng pulisya sa insidente upang mabatid kung ano ang ginagawa at pakay ng mga nasabing suspek sa lugar.

About Almar Danguilan

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …