Thursday , April 18 2024
Sid Pascua Dayo

Direk Sid Pascua, proud sa kanyang pelikulang Dayo

ALAM MO NA!
ni Nonie Nicasio

IBANG klaseng sexy movie ang pelikulang Dayo na hatid ng Viva Films and 3:16 Media Network ni Ms. Len Carrillo. Ang pelikula ay mula sa screenplay ni Quinn Carrillo at sa pamamahala ni Direk Sid T. Pascua.

Tampok sa pelikula sina Rica Gonzales, Audrey Avila, Marco Gomez, Nathan Rojas, at Calvin Reyes. Kasama rin dito sina Sue Prado at AJ Oteyza. Mapapanood na ang Dayo sa Vivamax sa April 19.

Aminado si Direk Sid na matagal bago nasundan ang unang pelikulang ginawa niya-ang Dyagwar: Havey o waley noong 2011, na tinampukan nina Eric Fructuoso at Boom Labrusca.

Ipinahayag ni Direk Sid na dahil sa tagal ng interval bago nasundan ang next movie niya, naisip niyang wala na siyang puwang sa mundo ng showbiz.

Aniya, “I understand kasi iyong risked na tinake ng 3:16 with me, e. Hindi ba? I mean, 2011 was your last, hindi ba?

“Ako, I’ll be honest, ang hirap kumuha ng project in between that. Kasi kapag tinanong ka, ‘Kailan ‘yung last movie mo?’ ‘2011’, right? I mean, that’s more than 10 years ago.”

Naikuwento sa amin ni Direk Sid na naging assistant director siya noon ni Direk Wenn Deramas sa mga TV series at the same time ay editor din siya. Then, dumating nga ang project na Dyagwar. Tapos nito ay nag-focus muna siya sa pagiging writer-director-producer ng mga commercial at nagtuturo rin siya sa college. 

Pahayag pa sa amin ni Direk Sid, “So iyon, November (last year) I was given an opportunity to do a vertical drama, na napapanood sa app nila, iyong PlayNet.

“So, after niyon ay doon ko na-feel na kaya ko pa pala. Kasi, for the longest time ay parang ayaw ko na e. Kasi parang feeling ko ay ang tagal kong nawala, wala akong kilala sa showbiz… wala na, as in wala na ako sa mundong iyon.

“Then after ng dalawang vertical films na iyon doon ko na-feel na parang kaya pa,” esplika pa ni Direk.

At naisip daw ni Direk Sid na magandang opportunity ang Vivamax para magbalik na talaga siya sa pagdidirek ng pelikula.

Ang katotong Mell Navarro ang naging tulay kay Ms. Len Carrillo para maging direktor ng Dayo si Direk Sid.

Nang nakita nga namin ang teaser nito, pati na ang ilang love scenes ng  Dayo, nakabibilib ang patikim ng pelikula. May taste ito at may istorya, na hindi lang hubaran at sex ang sangkap para maging interesanteng panoorin ng mga audience.

Isa sa aabangan dito ang love scene nina Rica at Calvin na ginawa malapit sa cliff o sa bangin. Actually, pati ang romansahan nila sa duyan at habang nakatakip sila ng kumot, kaabang-abang ito.

Ayon kay Direk Sid ang Dayo ay isang love story. Sa Dayo, gumaganap si Rica bilang isang dancer na pokpok na naghahangad magbago ng buhay, kaya dumayo sa malayong probinsiya ng La Union para makapagsimulang muli ng panibagong buhay. Pero, nasundan pa rin siya ng kanyang nakaraan.

Incidentally, si Direk Sid ang nagbigay ng opportunity sa actress-writer na si Quinn para maging assistant director dito.

Nang usisain namin, nabanggit ni Direk Sid na proud siya sa pelikulang Dayo.

“Oh yes, yes, proud ako sa pelikulang Dayo. I mean, on a scale na nagpahinga ako ng 12 years and I was able to do that… of course not me, but given… na nabigyan ako ng chance to have a good team, a great team to work with on my comeback, malaking bagay iyon.

“Kasi iyong iba kaya hindi nakababalik dahil iyong balik nila, they didn’t have the right materials, the right team to come back.

“So feeling ko sa akin, It was perfect, it was closed to perfect sa akin. Even nang na-edit ko iyong clip, sa akin ay okay na ako, sabi ko… I think we did a good job,” pakli pa ni Direk Sid.

About Nonie Nicasio

Check Also

Glaiza de Castro David Rainey

Glaiza naka-iskedyul pagbuo ng baby

RATED Rni Rommel Gonzales SOBRANG busy si Glaiza de Castro, paano ang pagbuo nila ng pamilya ng …

Rachel aminadong mas mahirap magpasikat ng kanta ngayon

RATED Rni Rommel Gonzales NATANONG namin si Rachel Alejandro sa kung ano ang malaking pagkakaiba ng music …

Atasha Muhlach Daniel Padilla

Daniel at Atasha iniuugnay ng fans

REALITY BITESni Dominic Rea KINIKILIG ako actually sa naglalabasang cropped photos nina Daniel at Atasha Muhlach.  …

Kathryn Bernardo Jericho Rosales Alden Richards

Kathryn pinag-aagawan daw nina Alden at Echo

REALITY BITESni Dominic Rea PAGKARAANG ianunsiyo ni Kathryn Bernardo na she’s already healed after her break-up with Daniel …

Gringo Honasan Ferdinand Topacio Baby Go

Sen Gringo isasapelikula ang buhay

I-FLEXni Jun Nardo NAKATAKDANG gawan ng Borracho Film Production ang buhay ni former Sen Gringo Honasan na hindi pa …