Sunday , April 14 2024
Ajido Swimming
NASUNGKIT ng 14-anyos mula sa Antipolo City, na si Jamesray Michael Ajido   ang kauna-unahang gintong medalya para sa Pilipinas sa Asian Age Group Championships. (LARAWAN NG AAG)

Ajido, umukit ng kasaysayan sa Asian swim meet

CAPAS, Tarlac  — Nagmarka ng kasaysayan si Jamesray Michael Ajido sa continental swimming competition. At nagawa niya ang impresibong performance sa harap nang nagbubunying pamilya at kababayan.

Nasungkit ng 14-anyos mula sa Antipolo City ang kauna-unahang gintong medalya para sa Pilipinas sa Asian Age Group Championships sa ika-11 edisyon ng torneo nitong Miyerkoles ng gabi sa New Clark City Aquatics Center.

Naungusan ng National junior record holder sa 13-under ang mga karibal sa boys’ 100-meter butterfly sa kahanga-hangang tyympong 55.98 segundo, mas mabilis sa dating meet record na 56.36 na naitala ni Wang Yu Xiang ng Chinese-Taipei noing 2019.

Ginapi ng La Salle-Greenhills stundent at Palarong Pambansa at Batang Pinoy champion ang pambato ng  Japan na si  Yusei Yisiono at Taiwanese Kan Yung Cheng, na tumanggap ng silver at bronze sa teympong  56.05 at 56.79, ayon sa pagkakasunod.

“Hindi ko ine-expect, basta binigay ko lang lahat ng makakaya ko. Yung sigawan ng crowd saka ko narealize na panalo ako,” pahayag ng two-time ASEAN Age-Group gold medalist.

Hindi magkamayaw ang hiyawan at kasiyahan ng kanyang mga temamates at coaching staff, gayundin ang crowd na kinabibilangang ng kanyang mga magulang at kamag-anak gayundin ang pamunuan ng Philippine Aquatics, Inc (PAI) sa pangunguna ni Secretary-general at Batangas 1st District Congressman Eric Buhain na buong puwersang nagtungo sa Tarlac para suportahan ang batang kampeon.

“Pambawi ito, dahil sa first chance ko sa medalya bronze lang nakuha ko,” aniya, patungkol sa napagwagihang bronze medal sa boys 50m freestyle sa ikalawang ara ng kompetisyon.

Ikinalugod ni Buhain ang naging kampanya ng Team Philippines sa ikatlong araw ng kompetisyon, higit sa naibigay na kasaysayan ni Ajido sa Philippine swimming.

“Masayang-masaya po kami sa PAI. Malaking karangala ang ibinigay ng ating mga swimmers especially the gold medal win ni Jamesray (Ajido). May isang araw pa ang laban, hopefully madagdagan pa ito kaya sa ating mga kababayan, halina’t magtungo kayo rito sa Tarlac at ating suportahan ang ating mga atleta,” sambit ni Buhain.

Bukod sa bronze medal ni Ajido, ipinagdiwang din ng delegasyon sa pamumuno nona head coach Rami Ilustre at PAI grassroots development director dating Olympian Pinky Brosas, ang bronze medal nina Fil-Brit Heather White (100m butterfly)  at  Jasmine Mojdeh (200m butterfly) kagabi.

“They respond positive immediately after meeting them. Sinabon ko eh, mababa ang performance sa Day 1 eh!,” pabirong pahayag ni Brosas.

About Henry Vargas

Check Also

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Sipat Mat Vicencio

Mayor Abby Binay pasok sa ‘Magic 12’ ng Pulse Asia, hahaha…

SIPATni Mat Vicencio SINO ba naman ang maniniwala sa ginawang survey ng Pulse Asia kamakailan …

Krystall herbal products

PT bilib sa panggagamot ng lolang hilot katuwang ang Krystall herbal products

Back to BasicNATURE’S HEALINGni Fely Guy Ong Dear Sis Fely Guy Ong,                Ako po …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

permit money BIR

Taxpayers hinikayat maghain ng ITR bago 15 Abril deadline

HINIMOK ni Senador Win Gatchalian ang mga taxpayer na maghain ng kanilang income tax returns …