NAG-COURTESY visit sina GMA Assistant Vice President for Drama Ali Nokom Dedicatoria at Abot Kamay Na Pangarap Executive Producer Joy Lumboy-Pili sa tanggapan ni Baliwag, Bulacan Mayor Ferdie Estrella kahapon (February 19).
Ang pagdalaw ay kaugnay ng paghingi ng paumanhin sa alkalde kasunod ng napuna nitong isang episode ng serye. Mainit namang tinanggap ni Mayor Ferdie ang mga kinatawan ng programa.
Anang alkalde masugid na nanonood ng serye ang kanyang mga nasasakupan kaya nakarating sa kanya ang nasabing eksena.
Ayon pa kay Mayor Ferdie, welcome ang programa na mag-taping sa kanilang lungsod.
Nauna rito, nagsampa ng reklamo si Mayor Ferdie dahil umano ay nagkaroon ng negatibong epekto sa kanilan bayan ang isang eksena sa serye na pinagbibidahan ni Jillian Ward.
Nabanggit kasi sa serye ang isang mental institution na tinawag na ‘baliwag’ na karaniwang tawag sa mga biruan tungkol sa ‘kabaliwan’ sa isang kuwentuhan. (Rommel Gonzales)
