Tuesday , April 23 2024
Wilbert Tolentino Kain Tayo

Makipagsabayang chumicha kay Wilbert Tolentino; Kain Tayo, tara na!

ALAM MO NA!
ni Nonie Nicasio

IBANG klase talaga ang energy at ang determinasyon ng kilalang influencer at vlogger na si Wilbert Tolentino.

Aba, pagkatapos niyang magtagumpay as a vlogger through his Wilbert Tolentino Vlogs with 2.3M subscribers as of this writing, ngayon naman ay pinasok na rin niya ang pagiging recording artist.

You heard it right dahil naririnig na sa radio at social media apps ang novelty song na Kain Tayo! under One Force Event and distributed by Star Records under ABS-CBN Music.

Sounds familiar ba ang Kain Tayo!? Oo naman. Mula sa kontrobersiyal at pinag-usapang ‘kainan isyu’, sinalo ito lahat ng business genius na si Wilbert at ginawa itong kanta, na ngayon ay nagbabadyang mag-viral sa socmed.

No worries dahil iba ang hugot ng lyrics ng kantang Kain Tayo! dahil siguradong walang magre-react na mga Marites, walang mabibiktima na mga beauty queens, at wala ring magseselos na dyowa.

Dito sa novelty song na Kain Tayo! ay ‘gugutumin’ lang naman tayo ng lyrics dahil featured dito ang iba’t ibang delicacies ng original Filipino food gaya ng adobo, puto’t kutsinta, bibingka at iba pa.

Ayos na rin at finished product na ang music video ng Kain Tayo! Na dito’y pinagsama-sama ni KaFreshness ang mga sikat na influencers sa pagkain.  Kasama rito sina Euleen Castro, Chef Hazel, Malupiton, Happy Friends, Crazymix, Femme Manila, with the special participation of the controversial, Herlene Nicole Budol AKA Hipon Girl.

Mapapanood na rin sa music video ang Mukbang Dance Craze na kinalolokohang isayaw ngayon ng lahat sa TikTok na pinauso ni KaFreshness Wilbert. Nakaka-aliw nga ang dance moves ni Wilbert na ginagaya na ngayon ng mga kabataan, boylets at girlets at lahat ng Dabarkads at Madlang Pipol dahil nakaka-good vibes ito at bagay na bagay sa TikTok!

Kudos siyempre sa director ng music video na si Edrex Sanchez at ang creative director na si Ryan Soto.

Anyway, mataba talaga ang utak ni Sir Wilbert dahil siguradong makakatulong ang novelty song na ito para mai-promote ang food tourism ng ‘Pinas sa buong mundo.

Siya nga pala, isa na ring certified actor si Sir Wilbert dahil kasama siya sa main cast ng GMA7’s Black Rider na binibigyan niya ng buhay ang character ni Doctor Wilford Bernardo, na isa ring negosyante.

Ayan, iyan si KaFreshness Wilbert, isang magaling na negosyante, sikat na socmed influencer, successful talent manager dahil nagawa niyang pasikatin si Herlene Budol na naging beauty queen pa, isang aktor at ngayon ay isa na ring OPM recording artist.

Ano naman kaya ang susunod na papasukin ni Sir Wilbert? Abangan ang susunod na kabanata. 

Kaya pipol of the Philippines, sabay-sabay tayo and sing: “Tayo ha, spaghetti pababa,yung jumbo hotdog, kaya ko na to…”

About Nonie Nicasio

Check Also

Shiena Yu Reina Castillo Yuki Sakamoto

Shiena, Reina, Yuki palaban walang pinipiling lugar kapag ‘nag-init’

COOL JOE!ni Joe Barrameda NALOKA ako sa cast ng Wanted Girlfriend ng Viva. Ito ay sina Shiena Yu, Reina …

Ruru Madrid

Ruru Madrid tuloy-tuloy ang dating ng blessings

COOL JOE!ni Joe Barrameda ISANG payat na binatilyo si Ruru Madrid nang pasukin ang mundo ng showbiz …

Game On The Podcast

Sports chikahan hatid ng Game On! Podcast

GOOD news para sa sports enthusiasts dahil pwede nang mag-tune in sa pinakaunang sports podcast …

Elle Villanueva Derrick Monasterio Kristoffer Martin

Anak ni Elle Villanueva sino ang ama?

RATED Rni Rommel Gonzales #TeamAlex o #TeamSeb ba kayo? Kasing init ng summer ang palitan …

Angel Leighton

Angel Leighton liligwakin na?

RATED Rni Rommel Gonzales MABIGAT ang eksenang hinarap ni Sparkle artist Angel Leighton sa kanyang role bilang …