Singer-composer Nolo Lopez masayang naka-duet si Jos Garcia

MATABIL
ni John Fontanilla

TUWANG-TUWA ang mahusay na singer & composer na si Nolo Lopez dahil ang kantang ginawa niya at inawit nila ni Jos Garcia, ang Hanggang Dulo ay humamig na ng 2,000 streams sa Spotify.

Post nga nito sa kanyang Facebook account, “Mula Sa Puso, Aasa Ako

 #HanggangDuloJosXNolo

“Mga lablab maraming salamat sa lahat ng nag stream ng aking bagong sinulat na kanta para sa amin ni Lodi Miss Jos Garcia! We reached more than 2k Spotify streams in 1 day! Pls continue streaming po.”

Isang malaking karangalan nga para kay Nolo ang maka-duet ang awardwinning at international singer na si Jos.

Ang kantang Hanggang Dulo ay mula mismo sa komposisyon at panulat ni Nolo at hatid ng Stardom Music Production.

Bukod sa nasabing awitin ay very proud din si Nolo na nakasama niya sa  konsiyerto si Jos na ginanap sa Papa Dongs Restobar & Events Place last February 12.