Thursday , February 29 2024
Gillian Vicencio Rhea Tan Beautéderm

Gillian Vicencio na-trauma nang madamay sa hiwalayang KathNiel

ni MARICRIS VALDEZ

AMINADO si Gillian Vicencio na na-trauma siya sa kabi-kabilang bashing mula sa fans nina Kathryn Bernardo at Daniel Padilla nang magkahiwalay ang dalawa subalit hindi na niya hinahangad pang mag-sorry ang mga ito sa pagkakadawit ng pangalan niya.

Matigas ang pagtanggi ni Gillian na wala talagang nangyari sa kanila ni Daniel kahit pa lumabas ang pangalan niya na dahilan ng pagkasira ng KathNiel.

Ani Gillian nang makausap namin ito sa 1st anniversary ng Beautederm Headquarters, 15 years ng Beautéderm Corporation, at Chinese New Year celebration ng kompanya  ni Ms. Rhea Anicoche Tannoong Sabado, naging close sila nina Kathryn at Daniel nang gawin ang 2 Good 2 Be True. Hindi rin niya maintindihan kung bakit nadamay siya sa isyu ng KathNiel gayung walang katotohanan ang mga ibinibintang sa kanya.

Isa si Gillian sa mga ipinakilala ni Ms. Rei bilang bagong celebrity ambassador ng Beautederm. 

“Nagulat po ako. Wala naman pong nangyari na ganoo. First time ko po magkaroon ng ganoong issue.

“Hindi ko po alam kung saan nanggagaling. Nag-message po ako sa kanya (Kathryn) at hindi pa po kami nagkikita ulit ng personal,”  esplika ni Gillian na bagamat binabato ng kung ano-anong issue, inuulan naman ng blessings tulad ng pagkakasama sa napakaraming brand ambassador ng Beautederm.

Sinabi rin ni Gillian na hindi pa rin sila nagkakausap ni Daniel, “Hindi naman po kami nag-uusap. Matagal na rin po kaming hindi nag-uusap after niyong taping.”

At dito’y inamin nga ni Gillian na nagka-trauma siya sa grabeng pamba-bash sa kanya at talagang nakatanggap niya ng maraming masasakit na pananalita.  

Idinagdag din ni Gillian na naapektuhan siya sa hindi magagandang sinasabi ng mga basher. “Siyempre maaapektuhan ka naman talaga. Hindi maganda ang mga sinasabi. Dahil sa family and friends ko na hindi ako iniwan kaya medyo okay-okay naman po ako ngayon.

“And I cannot control the minds of other people. At least I know myself and my truth,” sabi pa ng dalaga.

Samantala, ipinakilala at dumating din ang iba pang Beautederm ambassadors tulad nina Sylvia Sanchez, Sam MilbyCarlo AquinoSunshine GarciaErvic Vijandre, Ynez Veneracion, Alma Concepcion, Antonette Feo, Patricia TumulakKimson Tan, Darla Sauler at marami pang iba.

Masayang-masaya ang president/CEO ng Beautederm na si Ms Rhea dahil dumayo pa ang mga nabanggit na artista sa Angeles, Pampanga. Aniya, hindi na siya nag-invite ng mga ambassador dahil kung sino na lang ang makaalala at available.

Sinabi rin ni Ms Rei na abangan ang malalaking artista na ilulunsad nila bilang bagong ambassadors.

Naku sino-sino kaya ang mga ito? Nakaka-excite. Abangan.  

About Maricris Valdez Nicasio

Check Also

Sheryl Cruz Analyn Barro Jo Berry

Sheryl at Annalyn nag-sorry bago saktan si Jo Berry

I-FLEXni Jun Nardo BAGO pa man saktan ng Kapuso artist na si Annalyn Barro si little persona  Jo …

Luis Manzano Jessy Mendiola Vilma Santos Ralph Recto Edu Manzano

Ate Vi, Ricky Lee binigyang pagkilala ng CCP at St. Paul-QC

I-FLEXni Jun Nardo HINANGAAN ang blended family nina Vilma Santos-Recto, asawang Sen. Ralph Recto, at anak na si Christian kasama …

Blind item gay male man

Young actor buking ni direk pagpapahada sa matandang showbiz gay

ni Ed de Leon PINAG-UUSAPAN nila ang isang matandang showbiz gay na para raw halimaw basta may …

Bea Alonzo Dominic Roque

Dahilan ng hiwalayan nina Bea at Dominic inilantad 

HATAWANni Ed de Leon NGAYON unti-unting lumalabas na ang ibang detalye. Kasalukuyan daw palang gumagawa …

Coco Martin Ricky boy

Karga-kargang bata ni Coco na si Ricky Boy may potensiyal sumikat

HATAWANni Ed de Leon MAY nakita kaming picture ng isang poging batang lalaki na karga-karga …