Thursday , February 29 2024
Bernie Ang Manila

Sa loob ng isang taon
MAYNILA POSIBLENG MAGING PH TOP TOURIST DESTINATION

NANINIWALA si Manila City Administrator Bernardito “Bernie” Ang, posibleng maging top tourist  destination ng bansa ang Maynila.

Inihayag ito ni Ang sa MACHRA Balitaan sa Harbor View forum ng Manila City Hall Reporters’ Association, nang kanyang inilatag sa mga mamamahayag  ang planned activities ng local government para sa  celebration ng Chinese New Year kasabay ng

Manila Chinatown’s 430th anniversary.

Ayon kay Ang, inaasahang daragsain ng milyon katao ang mga kaabang-abang na mga aktibidad tulad ng 12-15 minute colorful fireworks display at grand parade sa Chinatown area.

Nabatid na hands-on si Ang sa pamumuno sa preparasyon para sa nasabing okasyon. Kasama ni Ang sa MACHRA BALITAAN sina Manila Chinatown Barangay Organization (MCBO) President Jefferson Lau at Manila Chinatown Development Council executive director Willord Chua na kapwa nagsabi na ang buong  Chinatown area ay hinihikayat din na makilahok sa selebrasyon sa pamamagitan ng pagbibigay ng special discounts, dahil daragsa ang mga tao sa lugar upang maging bahagi ng inihandang activities o kahit maging spectators lamang.

Ayon kay Ang,  ang magaganap na grand fireworks display ay masasaksihan sa bagong Filipino–Chinese Friendship Bridge o Binondo-Intramuros Bridge bisperas ng Chinese New Year.

Bukod sa nakasanayang makulay na lion dance ay magsasagawa rin ng tradisyonal na parade na lalahukan ng 20 floats ng iba’t ibang Chinese-Filipino organizations kasabay ang pamimigay ng red envelopes o “angpao” na pinaniniwalaang magdadala ng suwerte sa nagbigay at tumanggap.

Pahayag ni Chua, may nakalatag nang rerouting scheme at traffic advisory na ilalabas ang  Manila Police District’s traffic  bureau upang gabayan ang mga motorista sa inaasahang pagdagsa ng ating mga kababayan sa Chinatown.

Samantala, ang grand parade ay aarangkadang magsisimula sa Post Office area hanggang sa  Lucky Chinatown.

Sinabi ni Ang sa media forum, lubos ang pasasalamat ni Mayor Maris Sheilah “Honey” Lacuna – Pangan sa Chinese-Filipino community sa Manyila dahil sa boluntaryong pangangasiwa sa mga gastusin sa mga nakalinyang aktibidad nang walang kahit isang sentimong gagastusin ang lokal na pamahalaang lungsod.

Masayang inianunsiyo ni Lau na ang MOBO ang namamahala sa construction ng Pagoda sa Tetuan street na inaasahang daragsain sa Chinatown. (BRIAN BILASANO)

About Brian Bilasano

Check Also

Mr DIY Team Kramer 500 1

Team Kramer Joins MR.DIY in Celebrating 500th Store Milestone in Panglao, Bohol

MR.DIY Philippines CEO Roselle Andaya, alongside Doug and Cheska Kramer, jointly pressed the button to …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

Krystall Herbal Oil

Insekto at kulubot pinatalbog ng krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …