HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SASABAK sa bagong project ang award-winning young actress na si Jhassy Busran.
Sa last movie ni Jhassy titled Unspoken Letters ay nagpakita na naman nang kakaibang husay ang dalaga, kahit mahirap na role ang ginampanan niya rito.
Sinabi ng mahusay na young atcress ang isa sa aabangan sa kanyang project this year.
Aniya, “Mayroon po kaming bagong isu-shoot, kay Direk Gabby Ramos din po siya. Hindi ko pa po alam kung ano ang title, actually, hindi ko po alam kung puwede na itong sabihin, iyong pinaka-project itself.
“Pero isasali po ito sa mga international film festival.”
Anyway, si Jhassy ay nagsimula sa teatro at balak niyang sumabak ulit sa teatro dahil iba raw ang arte talaga sa teatro.
“Sa school theater plays po ako nagsimula talaga, kaya balak kong sumabak ulit sa teatro, why not? Kasi, ito po ang unang acting experience ko na nagpamahal sa akin sa teatro.
“Elementary po ako noon nang una akong nakaranas mag-teatro, 7 or 8 years old po yata ako noon,” pakli pa ng talented na dalagita.
Sa aming huntahan ay nabanggit din ni Jhassy na ang A-lister na si Kathryn Bernardo ang kanyang ultimate idol.
Sambit ni Jhassy, “Bata pa lang ako ay pinapanood ko na po si Miss Kathryn Bernardo, idol na idol ko po siya talaga, eh.”
Wish ba niyang makatrabaho someday si Kathryn?
Pahayag ni Jhassy, “Opo, opo talaga… ang ultimate dream ko ay makatrabaho one day si Miss Kathryn. Kahit ano pong project, kahit po sa likod lang ako ni Kathryn, kahit alalay lang po.
“Kasi po as a fan girl’s dream po, hindi ba, makatabi mo nga lang ang idol mo ay sobrang big achievement na iyon sa iyo? So, what more pa po kung makakatrabaho ko pa po siya talaga,” nakangiting sambit pa ni Jhassy.
Incidentally, ang guwapitong newbie actor na si Keeno Alonzo ang makakasama ni Jhassy sa nabanggit niyang short film na very soon ay gigiling na ang camera.
Isa ang mother ni Jhassy na si Ms. May Cruz Busran sa tumutulong sa showbiz career ni Keeno.
Nagkakilala raw sa isang charity feeding program with Diego ng Bubble Gang sina Keeno at Ms. May at mula rito ay nagtuloy-tuloy na ang communication nila.
Masaya si Keeno na maging part ng naturang pelikula, “Yes po ipanglalaban daw po sa International filmfest, pero wala pa pong title. Ang shooting po will start this February.”
Ano ang masasabi niya kay Jhassy?
“Si Jhassy knowing her, is very independent and gagawin niya talaga kung ano ang maisipan niyang gawin. Aside roon, dedicated siya when it comes to study and sa career niya bilang isang artist,” esplika ni Keeno.
Si Keeno ay nagsimula sa showbiz na pa-extra-extra sa Juan Dela Cruz ni Coco Martin, Be Careful With My Heart, MMK, She’s Dating The Gangster, at iba pa.
Kaya ngayon na mabibigyan siya ng biggest beak sa showbiz ay masayang-masaya si Keeno.
