Annabelle Rama laban-bawi sa pag-like sa post ni Sarah

I-FLEX
ni Jun Nardo

LABAN-BAWI na dating segment ng Eat Bulaga ang ginawa ni Tita Annabelle Rama sa pag-like sa isang post ng dating manugang na si Sarah Lahbati.

Hindi na namin inalam kung anong post ito ni Sarah na ni-like ni Tita A. Pero wala pa yatang 24 hours nang ni-like, binawi na ni Tita A ang pag-like, huh.

Sa isyu ng Gutierrez at Sarah, mas matapang na sa pagsagot at depensa sa anak ang misis ni Richard.

Eh kahit maparunggitan ang magkabilang panig, sa interview ng Marites University kay Atty. Nick Nangit, Feng Shui expert, spirit questor at tarot card reader, eh wala na. Tapos na ang relasyon nina Sarah at Richard.

Panoorin ang episode na ito sa MU dahil shocking din ang predictions at at pasabog ng CPA-Lawyer sa ilang sikat na celebrities.