Mga artista nag-iyakan sa presscon ng In His Mother’s Eyes
MATABIL
ni John Fontanilla
MASAYA si Mommy Flor Santos dahil tinanggap ng Diamond Star na si Maricel Soriano ang kanyang first ever produced film na In His Mothers Eyes na pinagbibidahan ng kanyang very talented son na si LA Santos.
Ayon kay Mommy Flor, si Maricel agad ang nasa isip niya nang ma-conceptualized ang pelikula na gaganap bilang nanay ni LA. Bukod kasi sa napakahusay nitong aktres ay isa rin itong nanay.
Bukod kay Maricel, kasama rin sa In His Mother’s Eyes ang napakahusay na aktor na si Roderick Paulate.
At sa naganap ngang grand presscon ay maraming kapatid sa panulat ang naluha at nagsabing maganda ang movie at mahuhusay ang mga nagsiganap na actors nang mapanood ang teaser nito.
Matitindi ang confrontation scenes nina Maricel at Roderick, at LA. Maganda ang themesong nito na Inay Patawad na kinanta ni LA at komposisyon ni Jonathan Manalo. Winner din ang eksena ni Ruby Ruiz na tsismosa at pakialamerang kapitbahay.
Bukod sa napakahusay at pang-award na performance nina Maricel, Roderick, at LA ay maraming aral na matututunan sa movie.
Kaya naman sa Nov. 29, ay sugod na sa mga sinehan at panoorin ang In His Mother’s Eyes na hatid ng 7K Entertainment, pero ‘wag kalimutang magdala ng panyo dahil tiyak tutulo ang luha sa inyong mga mata.
