Christian sa same-sex relationship—why not?
MA at PA
ni Rommel Placente
SA bagong pelikula ni Christian Bables, bading na naman ang role niya. Kaya natanong siya kung naniniwala ba siya sa paniniwala ng iba na walang gender ang pag-ibig.
Sagot ni Christian, “Walang gender ang love. Ang love ay para sa kahit na kanino. p
Puwede nga siya sa animals, eh. I also agree with Direk Andoy (Ranay, kasama niya sa pelikula) that love is for everyone, and for any one.
“Ayun yata ‘yung isa sa mga libreng bagay..bagay ba siya? O basta libre rito sa mundo na puwede natin ma-enjoy, ang pagmamahal,” paliwanag pa ni Christian.
Open ba siya sa posibilidad na pumasok sa same-sex relationship?
“Kung io-open ni God ‘yung heart and mind ko for that, why not?
“Kapag dumating sa punto na kunwari magbukas ‘yung puso ko, ‘yung isip ko sa ganoong klaseng pagmamahal, buong-buong puso ko pong tatanggapin ‘yun,” ang pagpapakatotoong sagot ni Christian.
