Sa isinagawang kampanya laban sa krimen ng pulisya sa Bulacan ay naaresto ang isang wanted na magnanakaw at isang tulak kamakalawa.
Sa ulat na ipinadala kay PColonel Relly B. Arnedo, provincial director ng Bulacan PPO, sa inilatag na manhunt operation ng tracker teams ng Marilao Mujnicipal Police Station {MPS} ay naaresto ang wanted person na kinilalang si Domingo Borsong, 37 na may kasong qualified theft sa Brgy. Lambakin, Marilao, sa nabanggit na lalawigan.
Ang pag-aresto kay Borsong ay batay sa inilabas na warrant of arrest ng RTC Br. 121 Meycauayan City, na may petsang Oktubre 4, 2023.
Samantalang isang pinaghihinalaang tulak ang nadakip sa ikinasang drug sting operation ng Malolos CPS sa Brgy. Niugan, Malolos City.
Nakumpiska sa suspek ang limang pakete ng plastic ng shabu na may standard drug price na Php 40,800.00, drug paraphernalia, at marked money.{Micka Bautista}
