Thursday , October 5 2023
MORE Power iloilo

Para sa mababang presyo ng elektrisidad
GREEN ENERGY AGREEMENT NILAGDAAN NG ILOILO LGU, ERC, AT MORE POWER

ISANG tripartite agreement ang nilagdaan sa pagitan ng Energy Regulatory Commission (ERC), Iloilo City Government, at More Electric and Power Corporation (MORE Power) na nagsusulong ng paggamit ng renewable energy resources na magbibigay daan sa pagbaba pa ng presyo ng koryente.

Sa ilalim ng kasunduan ay mag-eestablisa ang MORE Power ng one-stop shop na nag-aalok ng renewable energy technologies gaya ng Net Metering at Distributed Energy Resources (DER) na maaaring pagpilian ng consumers.

Ayon kay MORE Power President at CEO Roel Castro ang kasunduan sa pagitan ng ERC at Iloilo City ay bilang pagsuporta sa target ng pamahalaan na mabawasan ang greenhouse gas emissions sa pamamagitan ng paggamit ng renewable energy resources.

“One of the obligations under the agreement is to have a one-stop shop where applicants and interested parties can come. Our collaboration with the city government has been active for the past three years, and we warmly welcome the involvement of ERC. Being the first in the Visayas to enter into this agreement showcases our strong support for the government,” pahayag ni Castro.

Sinabi ni ERC Chairperson at CEO Atty. Monalisa Dimalanta, sa ilalim ng kasunduan, ang ERC ang magbibigay ng technical at regulatory expertise, kabilang dito ang pag-streamline ng documentary submission, installation, payment, at permitting processes ng Net-Metering at DER.

Palalakasin din ng ERC ang information drive para mas lalong tangkilikin ng electric consumers sa Iloilo City ang renewable energy.

Nabatid na ang Iloilo City ang ikalawa sa mga pilot Local Government Unit (LGU) partner ng ERC para sa  Net-Metering at sa kanilang  greater renewable energy program.

“We hope that other LGUs are similarly inspired to partner with national agencies to bring solutions closer to our people,” ani Dimalanta.

Sa panig ng LGU, hinimok ni Iloilo City Mayor Jerry Treñas ang mga residente, partikular ang mga small businesses na lumipat na sa paggamit ng renewable energy para sa tiyak na pagbaba ng kanilang energy consumption.

Tiniyak din nito ang promosyon ng green practices sa Iloilo City sa pamamagitan ng paggamit ng solar panels.

“With this partnership, we aim to promote green practices, aligning with the national government’s targets. In Iloilo, our efforts include solar panels at the national high school, city hall, dialysis centers, and eye care facilities,” pahayag ni Treñas.

Sa inisyal na paglulunsad ng programa, nasa 72 qualified users na ang naisyuhan ng Certificate of Compliance ng ERC para sa Net Metering Program sa Iloilo City at inaasahan na madaragdagan pa ito sa mga susunod na araw.

About hataw tabloid

Check Also

Bulacan

   Bulacan, umangat sa ikawalong pwesto bilang Most Competitive Province

Bilang patunay sa pagsisikap nito tungo sa pag-unlad at dedikasyon sa mabuting pamamahala, umangat ang …

Ramon S ANG RSA San Miguel SMC Honey Lacuna

SMC 133rd  anniversary:
SMC opens its largest community center in former Smokey Mountain dumpsite; pledges P500 million to build more schools

Marking its 133rd anniversary, San Miguel Corporation (SMC), through its San Miguel Foundation (SMF), has …

PNP PRO3

Miyembro ng Sputnik Gang tiklo sa Php750k halaga ng iligal na droga 

Isang miyembro ng notoryus na gang ang naaresto ng mga awtoridad sa isinagawang buy-bust operation …

Bulacan Police PNP

  Siyam na law breakers sa Bulacan arestado

Sa magkakasunod na operasyon ng pulisya sa Bulacan kamakalawa ay nagresulta sa pagkaaresto ng siyam …

Benny Abante

Insentibo sa senior citizens
P1-M SA EDAD 101 ANYOS, KATUMBAS NA LIBO-LIBO SA EDAD 70, 80, 90 ANYOS
Isinusulong ni Abante

KAPAG tuluyan nang lumusot sa Kamara De Representantes ang panukalang batas ni Manila 6th District …