Wednesday , July 24 2024
lovers syota posas arrest

Hubad na retrato ibinebenta online
KAMBAL NA PASLIT, 2 BATA NASAGIP MULA SA SARILING MGA MAGULANG

NAILIGTAS ng mga awtoridad ang apat na batang magkakapatid, kabilang ang kambal na paslit, na pinaniniwalaang dumanas ng pang-aabusong sekswal habang ‘isinusubasta’ online ng kanilang sariling mga magulang sa Brgy. Taculing, lungsod ng Bacolod, lalawigan ng Negros Occidental, nitong Biyernes, 14 Hulyo.

Ayon kay P/Capt. Christine Cerbo, OIC ng Women and Children Protection Desk (WCPD) – Bacolod, pinangunahan ng Women and Children Protection Center (WCPC) – Visayas Field Unit ang pagkakasa ng entrapment operation na nagresulta sa pagkakadakip sa isang 28-anyos babae at kanyang 35-anyos na kinakasama.

Humiling ng search warrant ang pulisya upang masuri ang computer ng mga suspek na pinaniniwalaang naglalaman ng datos ng sexual exploitation.

Inisyu ang search warrant ni Presiding Judge Fernand Castro ng Bacolod City Regional Trial Court Branch 41.

Dagag ni Cerbo, nasagip ang 6-anyos batang lalaki, 9-anyos batang babae, at 2-anyos na kambal mula sa kanilang bahay at dinala sa Balay Pasilungan sa Bacolod CPO habang hinihintay na masuri ng Department of Social Welfare and Development (DSWD).

Nabatid na ‘isinusubasta’ ng mga magulang sa mga dayuhan online ang mga hubad na larawan ng magkakapatid.

Dahil sa mga sensitibong mga detalye ng kaso, hindi muna pinangalanan ni Cerbo ang mga suspek.

Narekober ng pulisya sa operasyon ang tatlong cellphone, laptop, passport, at sari-saring ID.

Kasalukuyang nakakulong ang magulang na suspek sa Bacolod Police Station 6 at nakatakdang kaharapin ang kasong child trafficking.

About hataw tabloid

Check Also

Sonny Angara DepEd

Panawagan kay Angara
SUWELDO NG MGA GURO ITAAS, ‘KORUPSIYON’ SA DepEd DAPAT TUGUNAN — TINIO

NANAWAGAN si dating ACT Teachers Rep. Antonio “Tonchi” Luansing Tinio kay bagong-upong Department of Education …

FEHI, DHSUD sanib-puwersa para sa programang pabahay

FEHI, DHSUD sanib-puwersa para sa programang pabahay

NAGSANIB-PUWERSA ang kompanyang Far East Holdings Inc. (FEHI) at ang Department of Human Settlement and …

First Lady Liza Araneta-Marcos, namahagi ng mobile clinics

First Lady Liza Araneta-Marcos, namahagi ng mobile clinics

NAMAHAGI si First Lady Louise “Liza” Marcos, sa pakikipagtulungan ng Department of Health (DOH) ng …

Isko Moreno

Isko Moreno llamado sa muling pagtakbo sa Maynila

HATAWANni Ed de Leon ANO tatakbo na naman si Isko Moreno bilang mayor ng Maynila sa 2025? …

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …