Wednesday , July 17 2024
Bulacan Police PNP

3 wanted persons, 6 law violators nasakote ng Bulacan police

Isa-isang nahulog sa kamay ng batas ang tatlong pugante at anim na indibiduwal na lumabag sa batas sa magkakasunod na police operations sa Bulacan kamakalawa.

Sa ipinadalang ulat kay PColonel Relly B. Arnedo, provincial director ng Bulacan PNP, ang tatlong pugante ay arestado sa  manhunt operations na isinagawa ng tracker team Baliuag, San Miguel, at Meycauayan C/MPS.

Ang mga inaresto sa bisa ng warrants of arrest ay kinilalang sina .Jeffrey Cruz, para sa paglabag sa R.A. 9262 Service of Sentence sa Brgy. Pagala, Baliuag; Edward Alban, sa kasong Frustrated Murder, Direct Assault, and Resistance to Authority in Northville 3 Brgy. Bayugo, Meycauayan City,; at Alvin Manuel, sa krimeng Attempted Murder sa San Miguel, Bulacan.

Samantala, sa magkahiwalay na buy-bust operation na ikinasa ng Station Drug Enforcement ng Malolos at Meycauayan CPS, ay arestado ang apat na indibiduwal na sangkot sa droga.

Kinilala ang mga ito na sina Jalil Mistar alyas Jalil, Jonie Pintac, Arnold Bandino alyas Nano, Rolito Ragos alyas Itong, at Herbert Tiberio alyas Bert. 

Inaresto sila sa pagtutulak ng iligal na droga at nakumpiska sa kanila ang 16 pakete ng plastic ng pinaghihinalaang shabu, assorted drug paraphernalia, at buy-bust money.

Sa inilatag namang anti-illegal gambling operations ng mga tauhan ng Guiguinto MPS ay arestado ang dalawang illegal gamblers na kinilalang sina Lei Perr Gonzales at Carlos Cervantez. 

Naaktuhan sila habang  nagsusugal ng tongits at nasamsam sa kanila ang isang set ng playing cards at bet money sa iba’t-ibang denominasyon. (MICKA BAUTISTA)

About Micka Bautista

Check Also

Pasay LGU at CWC, lumagda para sa Makabata Helpline 1383

Pasay LGU at CWC, lumagda para sa Makabata Helpline 1383

LALONG PINALAKAS ng Pasay city government ang inisyatibang palawakin at seryosohin ang pangangalaga sa kapakanan …

arrest prison

Kapwa may asuntong Child Abuse
AKUSADO INARESTO SA PRESO
Isa pang MWP nasakote 

DALAWANG lalaki na nakatala bilang most wanted persons (MWP) ang nalambat ng pulisya sa magkahiwalay …

France Castro Satur Ocampo

 ‘CONVICTION’ SA CHILD ABUSE KINONDENA
‘Power of Red taggers’ inginuso

KINONDENA ng mga makabayang kongresista at mga militanteng grupo ang ipinataw na hatol ng Tagum …

Egay Erice Comelec

$15-M bank account ng Comelec official ibinunyag ng ex-Cong

TILA ‘isinampal’ ni dating Caloocan representative Egay Erice sa tanggapan ni Commission on Elections (COMELEC) …

Eng Bee Tin

Unang “National Hopia Day” celebration sa 19 Hulyo pangungunahan ng Eng Bee Tin

GAGANAPIN ang kauna-unahang selebrasyon ng “National Hopia Day” sa Filipinas sa 19 Hulyo 2024, na …