Thursday , June 1 2023
Bruno Mars

Bruno Mars espesyal sa Pinoy, concert sa Phil Arena inaabangan

RATED R
ni Rommel Gonzales

ESPESYAL sa mga Pinoy si Bruno Mars at espesyal din ang mga Pinoy sa international singer dahil may dugong Pinoy ang singer.

Kaya naman kasunod ng matagumpay na 120,000-strong Summer Blast 2023 crowd attendance, ang two-day concert naman ni Filipino-American multiple Grammy winner  ang inaabangang event sa Philippine Arena. 

Sa kabila nga ng gahiganteng 55,000 capacity ng world’s largest indoor arena, kinailangan pang magdagdag ng isang araw ng concert para makapanood ang mas maraming tagahanga ng international singer.

Ang naunang inanunsiyo na June 24 concert ay masusundan kaagad ng isa pa, sa June 25, dahil na rin sa ‘overwhelming demand’ para sa tickets. Ganyan karami ang Pinoy fans na nagmamahal sa Fil-Am singer.

Proud naman si Bruno Mars sa kanyang Filipino roots. Puerto Rican ang kanyang ama at Pinay naman ang kanyang ina bagama’t isinilang siya sa Hawaii. Sa isang interview noon, sinabi nitong chicken adobo ang paborito niyang pagkaing Pinoy. Matatandaang nagpadala ito ng $100,000 tulong sa mga biktima ng bagyong Yolanda pagkatapos ng 2014 concert nito sa Pilipinas.

Nakilala si Bruno Mars sa mga kantang Billionaire, Just the Way You Are, Treasure, Leave the Door Open, When I Was Your Man, at marami pang iba. 

Hinangaan siya ng marami dahil sa galing sa paggawa ng musika, pagtatanghal, at pagiging mapagmahal nito sa fans. 

Isa lamang siya sa malalaking artists na nakalinyang magtanghal sa Philippine Arena ngayong taon.

Hitik sa international concerts ang Philippine Arena dahil sa dobleng laki ng venue kompara sa mga nakasanayang indoor concert venues sa bansa. Maliban sa mas marami ang nakakapanood, mismong mga artist ang naaaliw sa mas malakas, mas maingay, at mas energetic na crowd na sumasabay sa kanilang pagkanta at pagsayaw. 

Tila nagsisilbi ring barometro ang Philippine Arena sa katanyagan ng international artists sa bansa. Talaga namang tinangkilik ang concert ng Seventeen, BlackPink, at ni Harry Styles. Sa ulat ng local media, Seventeen ang kauna-unahang K-Pop group na nakapuno ng Philippine Arena. ‘Full force’ naman ang Blinke o fans ng BlackPink sa two-day concert ng grupo. 

Lalo pa ngang pinagaganda ng organizers ang concert experience sa Philippine Arena. Panibagong sistema ng traffic flow management ang ipinatutupad habang sinisiguro rin ang transportasyon ng mga gustong makapunta sa venue para manood.

Kaya inaasahang magiging masaya at makabuluhan ang pagtatanghal ni Bruno Mars sa Philippine Arena. Mas malaking venue at mas maraming fans ang makakapanood sa ating kababayan na nakilala sa buong mundo dahil sa knyang husay sa larangan ng musika.

Para sa tickets at iba pang katanungan, bisitahin ang Concert Tickets and Tour Dates | Live Nation Philippines

About Rommel Gonzales

Check Also

Eat Bulaga Dabarkads

TVJ, Eat Bulaga nagbabu na

SHOWBIZ KONEKni Maricris Valdez Nicasio NAGPAALAM na sina Tito Sotto, Vic Sotto, Joey de Leon at iba …

Bruce Roeland Vic Sotto

Newbie star ‘di makapaniwalang makakasama si Vic Sotto

RATED Rni Rommel Gonzales IN shock pa rin ang guwapong Sparkle star na si Bruce Roeland dahil kasama siya …

Jake Cuenca

Jake Cuenca nagkakasakit na sa dami ng trabaho

RATED Rni Rommel Gonzales NANININDIGAN si Jake Cuenca na loveless pa rin siya hanggang ngayon. Bida sina …

Romnick Sarmenta Ice Seguerra

Romnick fun experience ang mahalikan si Ice Seguerra

ni Allan Sancon MATAPOS manalo bilang Best Actor ni Romnick Sarmenta sa 1st Summer Metro Manila Film Festival sa …

Sunshine Cruz Unbreak My Heart

Sunshine napa-Naku po Lord, Ayoko nang tanungin sa lovelife 

KUNG dati’y open si Sunshine Cruz sa mga nagaganap sa kanyang buhay-pag-ibig ngayo’y alumpihit na siya sa …