Wednesday , July 17 2024
Randall Mercurio

Fil-Canadian rep sa Mr Globalmodel International ‘di nakaligtas sa depresyon

SHOWBIZ KONEK
ni Maricris Valdez Nicasio

HALO-HALONG emosyon. Namatayan. Malungkot ang kapaligiran. Malayo sa mga minamahal. Ilan ito sa mga dahilan kung bakit ang aktibo sa mga mental health initiative ay nakaranas din ng depresyon. Ang tinutukoy namin ay si Randall Mercurio, Filipino-Canadian model at fashion designer 

Nakausap namin si Randall sa Homecoming Media Launch para sa kanya ng Rose Hapin ng RH Productions Canada/Philippines at ikinatwirang maging siya’y ‘di nakapaniwalang made-depress.

“Before pa po, very active na ako sa mental health group. Hindi ko naman akalain na ako mismo makararanas ng depression,” anito.

Nag-start talaga (depression) noong lockdown. Namatay pa ang grandmother ko (na nasa Olongapo). Hindi kami nakauwi. Very gloomy pa ang weather (sa Canada). Nag-trigger talaga. Halo-halong emotions,” esplika pa ni Randall na halos ayaw tumayo mula sa pagkakahiga noon.

Naibahagi pa ni Randall na ni ayaw din niyang tumanggap ng bisita, o makipagkita kanino man gayundin ang sumagot sa anumang tawag. 

“Ayaw kong lumabas. Ayaw ko ng tao. Ayaw ko noong mga mayroong nagtatanong sa akin kung okay ako. Feeling ko that time, lahat ng mga tao tinatawanan ako,” pagbabahagi pa ng Mr Globalmodel International Canada 2023.

At para gumaling, pahinga ang gamot sa nasabing sitwasyon ni Mercurio. “Ngayon na lang talaga nawala. Unti-unti. It’s important na nire-recognize natin ‘yung nararamdaman natin. At ang pinaka-importante—pahinga. Isa sa mga nakatulong sa akin to recover ay pahinga.  

Kaya dapat mas mahalin ng mga kabataan o sinuman sa atin ang sarili. Sa oras na minahal mo ang sarili mo, makakapag-reflect kung ano ba talaga ang purpose mo. Kapag masyado mong inisip ‘yung ibang tao, mawawalan ka ng time para sa sarili mo. It starts po talaga with yourself. 

“Eat healthy. Huwag i-burnout ang sarili,” sabi pa ng isang arkitekto, modelo, singer, dancer.

Samantala,si Randall ang representative ng Filipino-Canadian community sa Misters of Filipinas Fil-Com Canada 2023 pageant na siya mismo ang gagawa/ magdidisenyo ng kanyang national costume na ang inspirasyon niya ang mga OFW. 

“Gusto ko talagang ma-inspire ang mga mas nakababata sa akin. I want them to realize na mayroong purpose.

“Sa national costume ko, ang inspiration is OFWs. It is my way of paying tribute to all the hardworking OFWs. Malapit sa puso ko ito. Sobrang halaga. Bata pa lang po kasi ako, ang naiintindihan ko lang, iniwan kami ni Papa, wala siya sa tabi ko to work abroad. Sobrang nakatulong siya talaga sa amin. Hindi naman namin mararating ang success kung hindi dahil sa hardwork ng father ko.

“Hanggang sa nag-work na rin ako abroad, doon ko lang na-realize kung gaano kahalaga at kalaki ‘yung ginawa niya for us na nakatulong talaga sa future namin,” giit pa ni Randall na Faces West Vancouver Modelling Competition finalist 2022 at Chan International Edmonton talent boot camp finisher 2022 din.

Whew, grabe ang talent nitong si Randall na isa ring licensed Architecture at gumradweyt with honors ng Architectural Design sa Lethbridge College Alberta, Canada noong 2022.

About Maricris Valdez Nicasio

Check Also

Maris Racal Rico Blanco Anthony Jennings

Maris nilinis pangalan ni Anthony; Rico pinagtagpo pero hindi itinadhana

SHOWBIZ KONEKni Maricris Valdez Nicasio “ANTHONY is out of the picture.” Ito ang agad na nilinaw …

Bini SB19 Flow G

SB19, Bini pinadagundong ang Araneta, Puregold’s Thanksgiving Concert star studded

SHOWBIZ KONEKni Maricris Valdez Nicasio NAKABIBINGI at parang nasira ang aming ear drum sa sobrang …

Alden Richards It’s Showtime

Alden nagkaroon ng biglaang meet & greet sa It’s Showtime 

I-FLEXni Jun Nardo INAKYAT ni Alden Richards ang itaas na bahagi ng It’s Showtime studio nang mag-guest siya sa …

Blind Item, Matinee Idol, Mystery Man

Male Starlet walang maipagmalaking project kahit nakakontrata sa isang kompanya

ni Ed de Leon ANG bagay nga sigurong project para sa isang male starlet ay “Bata. Bata …

James Reid Issa Pressman

James Reid lipas na, inulan ng panlalait sa internet 

HATAWANni Ed de Leon KAWAWA rin naman si James Reid kung noong panahon ng kanyang kasikatan ay …