Isang lalaki na na kabilang sa drug watch listed personality at kanyang kasabuwat ang arestado ng mga awtoridad sa isinagawang anti-illegal drug operation sa Cabanatuan City, Nueva Ecija kamakalawa.
Ayon sa ulat na ipinarating ng Nueva Ecija PPO kay PRO3 Director PBGeneral Jose S. Hidalgo Jr., ang mga operatiba ng Cabanatuan CPS ay nagsagawa ng buy bust operation sa Purok 7, Brgy. Valle Cruz, Cabanatuan City.
Ang operasyon ay nagresulta sa pagkaaresto ng drug watch listed individual na kinilalang si Dionisio Gonzales III at kanyang kasabuwat na nakilala namang si Elena Valdez.
Nasamsam sa dalawa ang isang piraso ng pre-marked na Php1,000 bill, buy bust money, anim na piraso ng Php1,000 bills boodle money, isang itim na sunglasses bag, isang green pouch, pitong selyadong pakete ng plastic na naglalaman ng shabu, at isang knot-tied transparent plastic bag na naglalaman din ng shabu, may timbang na humigit-kumulang sa 140 gramo at tinatayang may halagang Php 952,000.00.(Micka Bautista)
