Saturday , February 15 2025
shabu drug arrest

Sa Dinalupihan, Bataan
3 NOTORYUS NA TULAK, NALAMBAT SA MAHIGIT PHP1-MILYONG SHABU

Arestado ng mga awtoridad ang tatlong notoryus na tulak at nakumpiska ang mahigit sa isang milyong pisong halaga ng shabu sa isinagawang anti-illegal drug operation sa Dinalupihan, Bataan kamakalawa.

Mga operatiba ng Dinalupihan Municipal Police Station (MPS) ang nagkasa ng buy-bust operation sa Brgy. New San Jose, Dinalupihan, Bataan na nagresulta sa pagkaaresto ng tatlong tulak..

Kinilala ang mga ito na sina Carlo Unating, John Christ Cabato at Walter Isip na pawang mga residente sa nabanggit na barangay kung saan sila nagpupugad sa pamamahagi ng iligal na droga.

Sa ikinasang operasyon ay nakumpiska ng mga awtoridad ang pinaghihinalaang shabu na may timbang na humigit-kumulang sa 200 gramo na nakalagay sa isang pouch at tinatayang may halagang PhP1, 360, 000.00; isang 100 peso bill na marked money at isang Samsung cellphone.

Nahaharap ngayon ang tatlong suspek sa kasong paglabag sa RA 9165 o Comprehensive Dangerous Act of 2002 na isasampa ng mga awtoridad sa korte.

Kaugnay nito ay pinapurihan ni PRO3 Director PBGeneral Jose Hidlago Jr., ang operating troops sa patuloy nitong kampanya laban sa iligal na droga na nakabatay sa BIDA program ng DILG. (Micka Bautista)

About Micka Bautista

Check Also

Taxi

Sa Caloocan  
Taxi driver hinoldap magpinsan timbog

ARESTADO ang dalawang lalaki matapos holdapin ang isang taxi driver sa Bagong Barrio, sa lungsod …

021425 Hataw Frontpage

14-anyos ginapang ng erpat ng nobyo ex-future biyenan kalaboso

HATAW News Team DINAKIP ng mga awtoridad ang isang 39-anyos lalaki matapos akusahan ng panggagahasa …

House Fire

Warehouse sa Marikina tinupok ng apoy

TINUPOK ng malaking apoy ang isang warehouse sa Brgy. Malanday, sa lungsod ng Marikina, nitong …

Dead Road Accident

Nasagasaan ng truck matapos mabunggo ng MPV Laborer patay sa Antipolo

NAMATAY noon din ang isang 35-anyos construction worker matapos mabangga ng isang multi-purpose vehicle (MPV) …

marijuana

2.25 kilo ng damo kompiskado, 2 suspek nakasibat

TINATAYANG mahigit sa dalawang kilong pinatuyong dahon ng marijuana ang nakompiska ng mga awtoridad sa …