HATAW! D'yaryo ng Bayan hatawtabloid.com
MATABIL
ni John Fontanilla
FEELING nasa cloud nine hangang ngayon ang mahusay na director na si Jun Miguel sa parangal na ibinigay ng organizers ng Vietnam International Achievers Awards 2023, nang itinanghal na Asian Best Children Show ang Talents Academy na siya mismo ang director at roducer.
Sobrang saya ni direk Jun na hindi lang sa Pilipinas nabibigyan ng recognition ang Talents Academy maging sa ibang bansa.
Ayon nga kay direk Jun, “Sobrang grateful po talaga at nakaka-proud kasi we’re giving recognition and pride too to our country.
“It’s not only about us and our team efforts but sa karangalan ng ating bansa.
“Sobrang saya na ipagmalaki sa buong mundo ang talento ng mga Filipino. Nakatataba rin ng puso ang suporta ng ating mga kababayan at ramdam din namin ang paghanga ng ibang lahi sa atin during the awards night, na bawat bansa ay nagpakita ng kani- kanilang galing.”
Dagdag pa ni direk Jun, “’Di maitatanggi ang pagiging angat ng mga Filipino sa bawat sining sa buong mundo. Kaya naman nagpapasalamat ako sa bumubuo ng Vietnam International Achievers Award 2023 gayundin sa IBC 13 at sa lahat ng taong sumusuporta sa aming show.”
