Sunday , June 23 2024
Walang Ka-Paris AlEmpoy Alessandra De Rossi Empoy Marquez Sigrid Bernardo Dolly De Leon KZ Tandingan

Walang KaParis ng ALEmpoy magpapaiyak na naman?

PAHUPA na ang  epekto ng pandemya kaya naman nagbabalikan na ang paggawa ng mga pelikula, kasama na rito ang pagbabalik tambalan nina Alessandra De Rossi at Empoy Marquez sa Walang KaParis. Anim na taon bago nasundan ni Direk Sigrid Bernardo ang follow-up project ng kanyang box-office hit film na Kita Kita

Ang Walang KaParis ang latest Amazon Original movie na ipalalabas sa streaming platform na Prime Video at mahigit 240 na bansa at teritoryo ang sabay-sabay na makakapanood sa tambalang ALEmpoy simula Huwebes, Marso 23.

Hindi maitago ang walang kaparis na chemistry ng dalawa lalo’t si Direk Sigrid lang ang may K magdirehe sa kuwelang tambalan nila Alessandra at Empoy. 

Narito ang ilan sa mga kaabang-abang na trivia tungkol sa pelikula:

1. Nasubok sa drama ang kuwelang tambalan ng ALEmpoy

Walang duda ang husay ng dalawa sa komedya, pero sa drama? Mukhang masusubukan ang pag-acting ng ALEmpoy, lalo na si Empoy na hindi pa nakikitaan ng katiting  na husay sa drama. Pagkabasa pa lang ng script, tinawagan na ni Alessandra si Sigrid, “Direk, acting piece ito ha. Kaya ba ni Empoy?,” ang pabirong sabi ng aktres. 

2. Dolly De Leon, na-challenge bilang acting coach ni Empoy.

Humingi nga raw ng tulong si Direk Sigrid sa Golden Globe at BAFTA Supporting Actress nominee na si Dolly De Leon para mailabas ang galing sa drama ni Empoy. Natatangi rin ang partisipasyon ni Dolly sa pelikula na parehong kinunan sa Paris at Baguio.

3. Direk Sigrid, pinili ang mga pasikot-sikot sa Paris bilang location.

Kakaibang Paris nga ang ipakikita ng pelikula dahil iniwasan ng direktor ang mga lugar na kadalasa’y ibinibida ng Paris, France. Pagbabahagi ni Direk Sigrid, ilang beses na rin siya nakapunta roon at marami siyang kaibigang naninirahan sa Paris, kaya naman alam na niya ang mga pasikot-sikot at lugar na hindi malimit puntahan ng mga turista.

4. KZ Tandingan ire-revive ang Walang Kapalit ni Rey Valera.

Matapos ang hindi malilimutang pag-awit ng Two Less Lonely Peoplesa Kita Kita, magbabalik-theme song si KZ at sa panibagong areglo ng klasik hit ni Rey Valera na Walang Kapalit.

5. Direk Sigrid, sa ALEmpoy lang nakakakapagdirehe ng love team.

Hindi man sinasadya, sinabi nga ng direktor na tanging sina Alessandra at Empoy lang ang nakakapagpagawa sa kanya ng love team na pelikula dahil karamihan sa mga pelikula niya ay thriller o drama. Hindi naman matatawaran na si Direk Sigrid lang talaga ang nakapagpatunay na pang-box office rin pala ang tambalan ng dalawa.

Mapapanood ng buong mundo ang Walang KaParis simula Huwebes, Marso 23, sa Prime Video. Palabas na rin ang Kita Kita sa  streaming platform, kasama ng libo-libong palabas at pelikula sa halagang PHP149 kada buwan. (MValdez)

About Maricris Valdez Nicasio

Check Also

Rhen Escano

Karma ni Rhen pang Hollywood-level

ni MARICRIS VALDEZ AMINADO si Rhen Escano na sobra siyang nahirapan sa paggawa ng action film, ang …

CC6 Music Fest 2024

CC6 Music Fest 2024 aarangkada kasama ang Rocksteddy at Mayonnaise

SHOWBIZ KONEKni Maricris Valdez Nicasio MAKIPAG-RAKRAKAN, kantahan, at sayawan sa June29, 2024 kasama ang ilang …

Darren Espanto D10 Star Magic

Darren Espanto pambato ng Star Magic  

SHOWBIZ KONEKni Maricris Valdez Nicasio NATAWA kami sa tinuran ni Darren Espanto nang matanong kung …

Diwata

Diwata walang kiyemeng kumain ng tsiken habang sumasagala 

MATABILni John Fontanilla HINDI na nga maitatago pa ang kasikatan ng social media viral pares …

Marian Rivera Balota

Marian intense ang aktingan sa Cinemalaya entry  

RATED Rni Rommel Gonzales SIGURADONG kakaibang Marian Rivera ang mapapanood sa Cinemalaya entry na  Balota. Makikita sa isang BTS photo …