Thursday , February 29 2024
Imee Marcos RCEP

Tutol sa RCEP
IMEE UMIWAS PANGALANAN NASA LIKOD NG RATIPIKASYON

NANINIWALA si Senadora Imee Marcos na mayroong puwersa na nag-uudyok upang madaliin ang pagratipika ng Regional Comprehensive Economic Partnership (RCEP) ngunit tumangging pangalanan.

Ayon kay Marcos, bilang isang super ate at kapatid ng Pangulo ay hindi niya sinusuportahan ang pagsusulong sa RCEP.

Sa kabila na ito’y isa sa mga prayoridad ng adminitrasyon ni Pangulong Ferdinand Marcos, Jr., nakababata at nag-iisang kapatid na lalaki ng senadora.

Naniniwala si Marcos, bilang isang anak ng agrikultura ay hindi kakayanin ng kanyang konsensiya na padapain ang mga kababayang magsasaka.

“Bilang isang probinsiyana, anak ng agrikultura, hindi kaya ng aking konsensiya na tayuan ang RCEP kung padadapain nito ang ating mga kababayan; iminungkahi ko na bumuo ng isang sub-committe na mas hihimay sa mga saloobin ng mga magsasaka, mangingisda, at maliliit na negosyante,” ani Marcos.

Ipinagtataka ni Marcos, ang pagdidikdik dito o pagmamadali na para bang ang Filipinas na lang ang hindi pumipirma.

Ibinunyag ni Marcos, bilang Chairman ng Senate committee on foreign relations, ginawa niya ang lahat ng pagsasaliksik, konsultasyon at pagdinig para sa sektor ng agrikultura at maliliit na negosyo.

Nabatid ng senadora na lubhang nababahala ang mga kababayan sa agrikultura sa kadahilanang walang aalalay sa kanila sa pandaigdigang kalakalan.

Ipinunto ni Marcos, hindi pa nga  makahinga sa malawakang smuggling, hoarding, at panloloko ang mga magsasaka, mangingisda at maliliit na negosyo ay  hindi pa rin naibibigay ang mga pangangailangan ng mga magbubukid bilang pansagot sa mass importation.

“Sa kasamaang palad, nabibigo ang DA, Customs at DTI sa pagsagot sa mga ito,”  mariing pahayag ni Marcos.

Binigyang-linaw ni Marcos na ang kanyang paninindigan ay hindi bilang kapatid ng nasa kapangyarihan, kundi bilang anak na may pagpapahalaga sa legasiya ng aking ama na laging unahin ang nakararami at mas nangangailangan. (NIÑO ACLAN)

About Niño Aclan

Check Also

Mr DIY Team Kramer 500 1

Team Kramer Joins MR.DIY in Celebrating 500th Store Milestone in Panglao, Bohol

MR.DIY Philippines CEO Roselle Andaya, alongside Doug and Cheska Kramer, jointly pressed the button to …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

Krystall Herbal Oil

Insekto at kulubot pinatalbog ng krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …